JEREMIA 46:4 - BIBEL JAMITA NA DENGGAN

⁴ Pasang ma palano ni kudo jana juguhima! Marsibuat ingananna ma jana dipake ma kupia baja! Garut ma hujurmu! Pake ma baju bosi!’ ”

JEREMIA 46:4 Referans Kwoze

JEREMIA 51:3

Ulang ma lehen hamu hatiha tu tentarana i laho manembakkon anak ni siorna sanga mamake pakean porangna. Ulang padiar hamu angka doli-dolina i mangolu. Abisi hamu sude tentarana i!

JEHESKIEL 21:28

“Ale anak ni jolma, maralatan ma ho! Paboa ma tu halak Amon na mangalayasi Israel i, Au Tuhan Debata mandok, ‘Madung hobas sada podang laho manyambol, madung digarut podang i manyirlak songon hilap, anso singkop laho mamunu.

NEHEMIA 4:16

Tapi mamungka sian ari i satonga noma sian anak buangki na markarejo, tapi anggo na satonga nari marjago-jago noma mamake baju porang dohot marsinjata tombak, parince dohot panah. Dilehen angka pamimpin ni rayat i sandok bantuan tu rayat i,

2 JUJUR TAON 26:14

Dipasingkop si Usia do di tentarania i parince, tombak, kupia baja, baju bosi, sior dohot panah songon i dohot batu.

1 SAMUEL 17:38

Dilehen si Saul ma pakean porangnia dohot sada baju bosi tu si Daud jana dipake si Daud ma i. Dung i dipapakehon si Saul ma kupia tumbaga di ulu ni si Daud.

1 SAMUEL 17:5

jana markupia tumbaga do ia dohot baju porang tumbaga marborat hira-hira onom pulu kilogram.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JOEL 3:9

Pabotohon ma boa-boa on tu angka bangso: Markobas ma marporang dohot mangasahon gogo! Pajuju hamu ma angka na malo marlojong dohot angka ulubalang; palagut sude angka parajurit, beta ma, maju ma!

JESAYA 8:9

Marlagut ma hamu mardongan biar, hamu ale angka bangso! Tangihon ma ale ujung ni portibi on. Marbobat jana mabiar ma, marbobat jana mabiar ma!

JEREMIA 46:14

“Di angka kota ni Mesir, i ma di Memphis, Migdol dohot di Tahpanhes, pabotohon ma barita on, ‘Markobas ma hamu laho martahan, angke sude sinadonganmunu abiskonon noma i di parporangan!