JEREMIA 46:21 - BIBEL JAMITA NA DENGGAN

²¹ Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 46:21 Referans Kwoze

JEREMIA 46:5

Tapi bia do ninna Tuhan! “Munduk do halahi Huida hara ni na tarsonggot. Madung dipukul mundur angka tentara ni halahi, biar sajo roha ni halahi, gabe mangido halahi jana nada manaili tu pudi.

2 RAJA-RAJA 7:6

Harana madung dibaen Tuhan halahi palingo-lingoon songon na umbege sora ni porang ni sada parangan nabahat, na markudo dohot na markareta. Jadi diambang halahi ma na diupai ni raja Israel, raja ni Het dohot Mesir dohot tentarana i laho mamorangi halahi.

MIKA 7:4

Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri. Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi!

OBAJA 1:13

Nada patut ho masuk tu kota ni bangsongKi, dohot manyurahi angka jolma na marhancit i, jana mangarampas hartonia di ari hasusaanna!

AMOS 6:4

Marjaya ma hamu na modom di podoman na jeges-jeges jana na marpesta mardongan juhut ni lombu dohot biri-biri jara-jara!

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

JEREMIA 50:27

Bunu hamu sude tentarana i! Matehon sudena i! Marjaya ma Babel! Madung dapot hatihana hona tona uhum!” (

JESAYA 34:7

Marmatean ma angka jolma songon lombu riar dohot lombu jara-jara. Marrara ma tano hara ni mudar jana ditutupi tabo-tabo.

MASMUR 37:13

Hape dipartatai Tuhan do parjahat i, diboto Ia do na dung donok hamamago ni halahi.

2 SAMUEL 10:6

Torang ma diboto halak Amon na dung gabe musu ni halahi si Daud. Jadi diongkos halahi ma dua pulu ribu tentara ni Siria na adong di Bet-Rehob dohot si Zoba songon i muse dua bolas ribu tentara na sian Tob, dohot raja ni tano Maaka rap dohot saribu halak paranganna.

JEHESKIEL 35:5

Sian najolo dihosomi hamu Israel jana dipadiar hamu hona sambol halahi di na hona parmaraan hara ni uhuman na parpudi patunda ni dosa ni halahi.

JEREMIA 50:11

Didok Tuhan ma, “O hamu halak Babel, disamun hamu ma bangsongKi. Marjop ni roha ma hamu songon kudo na panyihal-nyihalon jana pahae-pahulu hamu songon lombu na mardege gandum.

JEREMIA 46:9

Marpacu ma da, angka kudo! Mardalan ma da angka kareta! Maju ma da angka na gogo sian Sudan. Songon i dohot sitiop parince na sian Libia dohot panyior na malo na sian Lidia.’ ”

JEREMIA 18:17

Songon abu na niombuskon ni alogo Habincaran, songon i ma giot paserahonKu bangsongKi di jolo ni musuna, muda ro parmaraan, giot hudukkononKu noma halahi jana nada urupanKu halahi. Sanga na bia pe, nada urupanKu be halahi!”

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

PODA 15:17

Dumengganan do mangan simarata dohot halak na nihaholongan, ulang pado mangan juhut na tabo rap dohot halak goyak ni roha.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

MATEUS 22:4

Dung i disuru raja i ma angka naposonia na asing. Ditonai raja i ma halahi: ‘Paboa hamu ma tu angka na niontang i: Madung singkop horja ni anakki. Angka lombu jantan dohot angka pahan-pahanan na jumeges madung nisambolan. Madung rade sude. Ro be ma hamu tu horja parbagason i!’

JEREMIA 46:22

Songon ulok na manjurur marlojongi Mesir mangaluahon dirina hara ni na dung mur donok tentara ni musu. Ditaba halahi ma Mesir songon na manaba hayu dohot pato,

JEREMIA 48:44

Halak na malua sian ogor-ogor madabu ma i tu bagasan lubang, jana halak na haruar sian lubang i, alit muse ma i baenon ni jorat. Tarjadi do sudena i hara ni na dung Hutontuhon hatihana laho mangaroncohon Moab.

JEREMIA 49:8

Hamu ale halak Dedan, marbalik ma hamu lalu maporus! Kehe ma hamu martabuni. PatimpasonKu ma pomparan ni si Esau, dibaen madung dapot hatihana giot uhumanKu halahi.

JEHESKIEL 30:22

Au Tuhan Debata mandok: Musu ni raja ni Mesir do Au, jana tanganna na dua i giot tipulkononKu, na margogo i bope na dung maponggol i. Jadi gabe madabu ma podang i sian tanganna i.