JEREMIA 46:12 - BIBEL JAMITA NA DENGGAN

¹² Na dung tarboto do tu sandok bangso hahaila na tarjadi di hamu. Tarbege do sora ni pangararmunu tu sude portibi on. Martondong do tentara na sada tu donganna jana gabe rap tungkap halahi tu tano.

JEREMIA 46:12 Referans Kwoze

JEREMIA 46:6

Angka tentara na lobassa hipas marlojong, nada tolapsa maporus sian musu. Tartuktuk do halahi jana tinggang di Utara, di topi ni Batang aek Efrat i.

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

JESAYA 19:2

Didok Tuhan, “PamasaonKu ma na marsiporangan di Mesir. Marsibunuan ma na sada tu na asing angka na markahamaranggi, jana na pahombar tu hombarna. Angka kota na maralo, marsiporangan noma jana angka raja-rajana marsibunuan, marsirampasan kuaso ma.

ZEPANYA 1:10

Anggo di ari i, ninna Tuhan, “Habegean ma sora ni na tangis di Horbangan Ihan, habegean ma sora ni andung sian parkotaan na imbaru, dohot sora ni na matolbak godang marsaringar ma sian angka dolok.”

JEREMIA 51:54

Didok Tuhan ma, “Tangihon ma! Tangis do halak di Babel hara ni hasegoan na masa di luat i.

JEREMIA 49:21

Muda dung madabu Edom, tarbege ma hagaoron na tarlobi jabat humutur tano on sudena; pangarar ni halak na manginganisa habegean lalu tu Laut Teberau.

JEREMIA 48:34

Martangisan ma halak na di Hesbon dohot Eleale jana tarbege partangis ni halahi i lalu tu Jahas, jana habegean muse do tu angka jolma na sian Zoar lopus tu Horonaim dohot Eglat Selisia. Tangis halahi hara ni na mahiang muse aek di anak ni Batang aek Nimrim.

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

1 SAMUEL 5:12

Angka halak na so mate, hona ma na baro-baroon i, jadi gabe mangangguhi ma halahi tu angka debata ni halahi mangido tolong.

JESAYA 24:11

Marsurak-surak ma angka jolma di dalan-dalan i hara ni na abis anggur. Madung mago jop ni roha salolot-lolotna, jana hamogaan lintop sian sisik ni tano on sudena.

JEREMIA 2:36

Nayang na i didok rohamu laho paubahon parangemu! Jana angkon maila ma ho hara ni halak Mesir, songon na dung dipaila ni Asur i ho.

JEREMIA 47:2

Didok Tuhan, “Ligi da, mardalan do aek sian Utara jana mangalantap songon aek magodang na mangalingkup tano i dohot isina, angka kota dohot halak na manginganisa. Mangangguhi ma halak mangido tolong jana mangandungi ma rayat sudena.

JEREMIA 50:46

Muda madabu Babel, tarbege ma hagaoron na lobi gogo jabat humutur portibi on; begeon ni angka bangso na asing ma angguk ni halahi.”

NAHUM 2:5

Dipio angka ulubalang anso maju; Sangkot-sangkot pardalan ni halahi laho tu jolo. Mopop halahi marlojong tu tembok ni kota, manigor dipajongjong ma palangna.