JEREMIA 45:3 - BIBEL JAMITA NA DENGGAN

³ humolos do ho songon on, ‘Iale, na sial ma antong iba on! Bahatna antong hasusaanku, hape laing ditamba Tuhan muse dope dohot parkancitan. Loja au na humolos i, so adong saotik pe hasonangan!’

JEREMIA 45:3 Referans Kwoze

GALATIA 6:9

Hara ni i, ulang ma loja hita mambaen angka na denggan; angke muda inda marnaloja hita mambaen angka pangalaho na songon i angkon sabionta do suha ni i di hadudumpang ni hatihana.

2 KORINTUS 4:16

Hara ni i ma umbaen na so mandele hami. Haru pe mur sego hajolmaonnami parduru on, tapi anggo hajolmaon parbagasan i mur dipaimbaru do sian ari tu ari.

2 KORINTUS 4:1

Na niurupan ni Debata do hami mangkarejohon karejo on. Na nilehenNia do karejo on di hami. Hara ni i ma umbaen na so mandele hami.

2 TESSALONIKA 3:13

Tapi anggo hamu ale angka dongan, ulang ma nian loja hamu mambaen na denggan.

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

ANDUNG 1:22

Parrohahon ma sude hajahatan ni halahi i, jana uhummi ma halahi, songon au on na hona uhumMi, hara ni sude dosangku na hubaen di adopanMi. Mangangguk au di bagasan pardangolan, marsak rohangku jana hancitan.”

ANDUNG 1:13

Dipaijur Ia api sian langit na manutungi holi-holingku lopus mangampir. Di taon Ia jorgong di jolongku na mambaen au madabu. Lalu dipadiar au disi marhancit torus sasadari.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

JEREMIA 8:18

Mabugang ate-atengku jana maniak, nada haubatan pardangolanniba.

PODA 24:10

Jolma na mandele di bagasan pangalaho na sompit, i ma halak na tutu situtu gale.

MASMUR 120:5

Marjaya ma au on hara ni na rap au dohot hamu; nada imbarna songon na maringanan di Mesek, sanga di tonga-tonga ni halak Kedar.

MASMUR 69:3

Pio-pio do au marsurak lopus loja jana mahiang tolonanku. Maniak huhilala matangku mararop roha di Debatangku.

MASMUR 27:13

Pos do rohangku daionku do hadengganan ni Tuhan dompak dison di hangoluan.

MASMUR 6:6

Humolos au pola marsak situtu; ganop borngin mardodor ilungku, manombur podomanku.

JEREMIA 45:2

hata ni Tuhan, Debata ni Israel. Didok Tuhan, “O Barukh,

MASMUR 6:7

Rambon do da matangku hara ni arsak, jana golap hara ni angka musungku.