Biblia Todo Logo
Bib sou entènèt

- Piblisite -




JEREMIA 44:27 - BIBEL JAMITA NA DENGGAN

27 JalahanKu do dalan anso mago hamu jana nada marhasonangan lopus mate hamu sudena, bope di parporangan sanga pe hara ni nyae masa.

Gade chapit la Kopi




JEREMIA 44:27
16 Referans Kwoze  

Songon panjagoonKu sahonokna on di halahi, i ma na giot mambutbuti dohot mangarumpakkon, mangaroncohon jana pamatehon halahi, laing songon i ma panjagoonKu, patoguhon jana mambangun halahi mangulahi, songon i ma hata ni Tuhan.


Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”


Angka halak kota i na tinggal dope padiaronKu ma gabe soroon ni angka musuna na giot mamupusi dohot mangarampas luat ni halahi.


Saonnari madung marujung sudena. On ma hasesegomu. Nada adong be arop ni roha di ho.


Tapi disi mantak hami manghaulkon haul tu Namora di Langit, jana nada be hami duruskon anggur songon pelean tusia, gabe marpogos ma hami, marmatean ma angka halaknami di porang sanga hara ni haleon potir.”


Jana ampot adong sian halak Juda na teba i na sai marpor ni roha tu Mesir laho maringanan disi, gabe bunuonKu ma halahi. Sude halahi na menek na godang, mate ma di Mesir baenon ni porang sanga hara ni haleon potir. Gabe jorbut pangkilalaan ni halak mida halahi jana palayasonna halahi. Gabe goar bura ma baenon ni halak goar ni halahi.


Madung Huputuskon do laho mangaroncohon kota on jana nada adong pangusayangna. Pasahaton noma kota on tu raja Babel; giot surbuonnia kota on lopus abis sudena. Au Tuhan madung mandok songon i.”


PaserahonKu ma halahi tu tonga-tonga ni angka bangso na so ditanda ni halahi sanga ompu ni halahi. TongosonKu ma tentara na mamorangi halahi lopus abis sudena.”


mandok tu si Ebedmelek halak Sudan i bahaso na nidok ni Tuhan Na Markuaso i, Debata ni Israel songon on, “Songon na Hudok na salpu i, na giot paroonKu parmaraan tu kota on, jana nada hasonangan. Idaonmu do tarjadi na masa i.


“Ayak-ayakon ni porang dohot tangkuraparon na nihabiaranmunu i ma hamu lalu tu Mesir jana mate ma hamu disi.


Songon panguhumingKu tu Jerusalem, laing songon i ma uhumanKu halahi na maringanan di Mesir. Marmatean ma halahi baenon ni porang, hara ni haleon potir, sanga hara ni nyae masa.


Sian halak Juda na teba i na kehe tu Mesir laho maringanan disi, sahalak pe nada adong na malua sanga mangolu. Sahalak pe sian halahi nada adong be na mulak tu Juda, haru pe lungun sajo roha ni halahi. Tutu do nada adong be na mulak sian halahi asing ni na mangungsi piga-piga halak.”


Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.


Madung diuhum Ho hami ale Tuhan Debatanami marhite hamamago na dung nihobasanMu humani, sai tongtong do denggan jana tigor pambaenanMu, hape nada hami tangihon soraMu.


Satutuna, madung dipamanat Tuhan Debata harajaan na mardosa on, jana agohononKu noma i sian sisik ni tano on. Tapi anggo pomparan ni si Jakob nada sude abiskononKu. Au Tuhan Debata madung mandok songon i.


Hara ni i, tangihon hamu sanga aha na giot baenonKu, Au Tuhan Na Markuaso, Debata ni Israel na giot mangalehen suan-suanan na paet sipanganon dohot rasun siinumon.


Swiv nou:

Piblisite


Piblisite