JEREMIA 44:24 - BIBEL JAMITA NA DENGGAN

^24-25 Dung i hupaboa ma tu sude jolma i lumobi tu bagian dadaboru, na nidok ni Tuhan Na Markuaso i do songon on tu angka halak Juda na maringanan di Mesir, “Na dung marsumpa do hamu dohot angka dadaborumunu tu Namora di Langit mandok na giot manutung haul do hamu tusia dohot mamelehon anggur. Madung dipatulus hamu janjimunu i. Antong songon i noma i! Pambaeni hamu sajo ma sanga aha na nijanjihonmunu i!

JEREMIA 44:24 Referans Kwoze

JEREMIA 43:7

Dialo halahi do parenta ni Tuhan jana kehe halahi tu Mesir lopus lalu tu kota Tahpanhes.

JEREMIA 44:26

Tapi saonnari tangihon hamu ma sanga aha na Hudok tu hamu, ale halak Israel na di Mesir: Au Tuhan, Husumpahon mangasahon goarKu na godang i bahaso na so loasonKu hamu be mamake goarKu laho mambaen janji bagi aha. Nada tola dokkononmunu, ‘Marsumpa Au mangasahon Debata na mangolu i!’

MATEUS 11:15

Jadi muda na adong do pinggolmunu laho manangihon, tangihon hamu ma!

AMOS 7:16

Hara ni i bege ma sanga aha na nidok ni Tuhan tu ho. Dibaen diorai ho do au marjamita mangalo bangso Israel,

JEHESKIEL 2:7

Palalu ma sude na Hutonahon tu halahi, sanga ra pe halahi manangihon i sanga nada. Ingot ma, angka pangalo do halahi.

JESAYA 28:14

Tangihon ma sanga aha na nidok ni Tuhan, hamu ale angka parkuaso na ginjang roha na mamarenta rayat di Jerusalem!

JESAYA 1:10

Tangihon ma hata ni Tuhan ale angka pamimpin na songon pamimpin ni Sodom! Tangihon ma tona ni Debatanta ale rayat na songon rayat ni Gomora!

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.