JEREMIA 44:23 - BIBEL JAMITA NA DENGGAN

²³ Tarjadi pe hamagoan si saonnari on tu hamu, hara ni na marsomba do hamu tu debata na asing jana mardosai hamu tu Debata. Nada dipatulus hamu tonaNa, aturanNa dohot na dung ditotopkon Ia, i do umbahen marhancit hamu songon si saonnari on.”

JEREMIA 44:23 Referans Kwoze

1 RAJA-RAJA 9:9

Alusan ni halak ma, ‘Hara ni na dung ditinggalkon halahi do Tuhan Debata ni halahi, na maroban ompung ni halahi ruar sian Mesir. Madung disomba halahi angka debata sileban. Hara ni i ma baen diparo Tuhan Parmaraan tu halahi.’ ”

MASMUR 119:150

Madung dipadonok angka na giot manyosak au, jahat do maksud ni halahi jana nada mangoloi tu TonaMu.

NEHEMIA 13:18

Patunda ni dosa na songon on ma da umbaen na hona uhum ni Debata angka ompumunu jana dironcohon kota on. Na giot tambaanmunu ma he saonnari rimas ni Debata tu Israel di na pahodar Ari Sabat i?”

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

1 KORINTUS 10:20

Inda adong i! Na hudok, anggo na nihaulkon tu gana-ganaan i, nada tu Debata i dihaulkon, tapi tu angka setan do. Jana nada giot au anggo mardomu hamu dohot setan.

ANDUNG 1:8

Dipahodar Jerusalem do dirina sandiri dohot dosa na nibaenna i mambaen gigi. Saonnari talak-talak ia jana marlayas; ma pola mago sude hagodanganna. Humolos ia, hara ni na dung maluak bohina.

JEREMIA 44:21

“Adong he diambang hamu na so diboto Tuhan sanga na dung dihalupahon Ia angka haul na di pelehon di angka kota ni Juda dohot di angka dalan na di Jerusalem, na nibaen ni ompumunu, angka raja-raja dohot angka pamimpinmunu maradu rayat ni luat on dohot hamu sandiri?

JEREMIA 44:18

Tapi disi mantak hami manghaulkon haul tu Namora di Langit, jana nada be hami duruskon anggur songon pelean tusia, gabe marpogos ma hami, marmatean ma angka halaknami di porang sanga hara ni haleon potir.”

JEREMIA 44:8

Biasi sai mangalap-alapi hamu anso muruk Au? Ro hamu jana maringanan di Mesir on, lalu marsomba hamu tu gana-ganaan jana mamelehon haul tu angka debata ni luat on! Biasi ra hamu mangalapi hamamagomunu? Giotmunu ma he marlayas baenon ni bangso na satano on jana goarmunu pakeonna gabe bura?

JEREMIA 40:3

Saonnari madung dipatulus pangalaho i, hara ni na dung mardosa bangsomu jana nada ra mangoloi tuSia.

MASMUR 119:155

Anggo parjahat nada tarbaensa malua, angke nada didalankon halahi hatontuanMu.

MASMUR 78:56

Hape mangalo ma bangsoNa i jana diuji ma Debata Na Gumincat i, angka parentaNa nada be dioloi halahi.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

MASMUR 78:10

Dilaosi halahi do parjanjian ni Debata dohot halahi, jana aturanNa nada dioloi.

MASMUR 119:136

Mabaor ilungku songon batang aek, hara ni TonaMu na so dipatulus.

JEREMIA 26:4

Disuru Tuhan ma au mandok tu halahi, “Au Tuhan, madung mamarentahon anso mangoloi hamu tu Au jana angkon dalan – kononmunu do angka aturan na dung Hulehen tu hamu.

JEREMIA 44:2

On ma tona ni Tuhan Na Markuaso i, Debata ni Israel tu halahi, “Madung diida hamu sandiri mara na Hutimpalkon tu Jerusalem dohot sandok kota na adong di Juda. Lopus saonnari laing tinggal sego-segona do angka kota i jana lobu.

JEREMIA 44:3

Patunda ni dosa ni halak na maringanan di angka kota i do umbaen na muruk Au. Dipelehon halahi haul jana marsomba halahi tu angka debata na so unjung hian dope disomba halahi sandiri, bope hamu sanga ompungmunu.

JEREMIA 44:10

Tapi lopus sadari on nada ra hamu paserep rohamunu. Nada dipasangap hamu Au jana pardalan ni ngolumunu nada mangihutkon TonaKu na Hulehen tu hamu dohot tu ompumunu.

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

DANIEL 9:13

Sude jaya hamamago na tarsurat di bagasan Tona Ni si Musa didondonkon Ho do tu hami. Tapi haru songon i pe, ale Tuhan Debatanami, laing hami gagai do laho pasonang rohaMu. Laing hot do hami na so ra manadingkon angka dosanami jana nada hami parrohahon angka pangajaranMu.