JEREMIA 44:22 - BIBEL JAMITA NA DENGGAN

²² Nada tahan be Tuhan paida-ida pangalaho dohot pambaenanmunu na jahat i; hara ni i do umbahen na gabe lobu tanomunu, nada adong na mangingani lopus sadari on.

JEREMIA 44:22 Referans Kwoze

JEREMIA 25:18

Jerusalem dohot sude kota na di Juda, rap dohot raja-raja maradu angka pamimpinna, hupaksa inumonna anggur i, lopus gabe songon padang na harsang halahi jana songon parbeguan. Lalu tu sadari on dipake do goar ni halahi songon hata bura.

MALEAKI 2:17

Susa do Tuhan dibaen angka hata-hatamunu. Tapi didok hamunu do, “Bia ma he hami baen pasusahon Ia?” I ma na niambangmunu: “Ganop halak na mambaen hajahatan denggan do i di mata ni Tuhan; tu halak si songon i ma jop ni rohaNia sanga muda nada, di dia ma he Debata na manguhumi i?”

JEREMIA 44:12

Jana ampot adong sian halak Juda na teba i na sai marpor ni roha tu Mesir laho maringanan disi, gabe bunuonKu ma halahi. Sude halahi na menek na godang, mate ma di Mesir baenon ni porang sanga hara ni haleon potir. Gabe jorbut pangkilalaan ni halak mida halahi jana palayasonna halahi. Gabe goar bura ma baenon ni halak goar ni halahi.

JEREMIA 25:38

Madung ditadingkon Tuhan bangsoNia songon panadingkon ni singa di asarna. Madung muba luat on gabe halongonan dibaen hakejamon ni porang dohot hamuruhan ni Tuhan.

JEREMIA 25:11

PadiaronKu do sude luat on sego jana gabe lobu; mangoloi tu raja Babel ma angka bangso na humaliang pitu pulu taon honokna.

JEREMIA 18:16

Madung dibaen halahi luat on gabe inganan na jorbut jana gabe sihata-hataan sapanjangna. Sandok halak na mamolus marsiupirkon uluna be hara ni jorbut ni pangkilalaanna.

JESAYA 43:24

Nada ditobusi ho pulungan na huskus di Au, nada dibuat ho rohangKu marhite tabo-tabo ni pahan-pahananmu. Mur dipasorat ho do Au tehe marhite dosamu jana dilojai ho Au marhite angka hasalaanmu.

JESAYA 7:13

Dung i didok si Jesaya ma, “Antong anggo songon i, tangihon ma ale pomparan ni Raja Daud! Na so tuk dope he hum jolma lojaanmu, umbaen jabat lojaanmu dope Debatangku?

SURAT NI SI PAULUS TU PARLAGUTAN ROM 9:22

Laing tarsongon i muse ma pambaen ni Debata. Por rohaNia palalu rimasNia dohot patuduhon kuasoNia. Haru pe songon i laing dipahapal Ia do sobarNia maradopkon halak siuhuman hara ni na pamilaskon rohaNia.

AMOS 2:13

Saonnari odotkononKu ma hamu lopus damos tu tano, lopus mangangguk hamu songon kareta na sorat maroban gandum.

DANIEL 9:12

Tigor do pambaenanMu laing songon na nijanjihonMu tu hami dohot tu angka na markuaso di hami. Umposi do uhumMu tu Jerusalem martimbangkon angka kota na adong di tano on.

JEHESKIEL 5:13

Hilalaonmu ma jorbut ni hamuruhonKu, dohot pangamukKu lopus sombu rohangKu. Dung tulus sudena i, disi pe anso tangkas botoonmu paboa na dung mangkuling Au tu ho, Au Tuhan mangkuling hara ni murukKu marnida na so setia ho.

JEREMIA 44:6

Hara ni i duruskononKu ma rimasKu dohot hosom ni rohangKu tu angka kota ni Juda dohot tu angka dalan na di Jerusalem, surbuonKu sudena lopus gabe tiranggong jana mangornop songon na tarida saonnari on.

JEREMIA 44:2

On ma tona ni Tuhan Na Markuaso i, Debata ni Israel tu halahi, “Madung diida hamu sandiri mara na Hutimpalkon tu Jerusalem dohot sandok kota na adong di Juda. Lopus saonnari laing tinggal sego-segona do angka kota i jana lobu.

JEREMIA 29:19

Tarjadi pe sudena i tu halahi hara ni na so ra do halahi mangihutkon tonangKu na sai torus Hupalalu tu halahi marhite angka panurirang, i ma angka naposongKi. Nada ra halahi mamparrohahon tonangKi.

JEREMIA 26:6

Anggo laing tong do hamu manangkang, baenonKu do bagas paribadatan on songon na Hubaen tu Silo, lopus sandok bangso na satano on mamake goar ni Jerusalem on gabe bura.”

JEREMIA 24:9

Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.

JEREMIA 15:6

Madung ditulak jana ditadingkon hamu Au, hara ni i Huondamkon botohonKu laho mangabisi hamu. Ma pola loja Au mangorom muruk ni rohangKu.

JESAYA 1:24

Hara ni i songon on ma didok Tuhan, Tuhan Na Markuaso na mangondihon Israel, “BaloshononKu ma hosom ni rohangKu tu angka alongKu, jana baenonKu ma pamaloson tu angka musungKu.

PAMUNGKAAN 19:13

harana abiskononnami ma kota on. Madung ditangihon Tuhan angka tuhas-tuhas na dokdok maradopkon halak na dison, jana na diutusNia do hami laho mangabiskon kota Sodom on.”

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JEREMIA 23:2

Songon on do pandok ni Tuhan, Debata ni Israel taringot tu angka pamimpin na paula-ula manjagohon bangsoNa, “Nada tutu dijagohon hamu bangsongKu, madung dipasarsar hamu halahi jana diayak-ayak hamu do halahini. UhumonKu ma hamunu saonnari hara ni pambaenanmunu na jahat i.

JEREMIA 29:18

Kojar-kojaronKu halahi marhite porang, tangkuraparon, dohot nyae masa lopus jorbut pangkilalaan ni sude bangso na satano on marnida na masa tu halahi. Siincak-incahan noma halahi jana goar ni halahi gabe songon bura.

JEREMIA 30:14

Sude haholonganmu, madung lupa tu ho; nada ra be halahi mamikirkon ho. Songon musu, Au giot mangaroro jana manguhumi hamu maradu gogo hara ni bahat ni dosamu jana godang hasalaanmu.

JEREMIA 34:22

ParentahononKu ma anso mulak halahi tu kota on, jadi serangon ni halahi ma, masuhanna lalu surbuonna. Giot baenonKu angka kota ni Juda songon halongonan na so diingani ni jolma. Au Tuhan, madung mandok songon i.”

JEREMIA 42:18

Songon dia pangalaluhonKu, Au Tuhan Na Markuaso, Debata ni Israel, di hamumurukKu dohot hosom ni rohangKu tu halak Jerusalem, songon i muse ma palaluonKu hosom ni rohangKu tu hamu na kehe tu Mesir i. Gabe mabiar ma halak mida hamu; incahanna hamu, jana goarmunu baenon ni halak gabe songon bura. Nada idaonmunu be bona bulumunu on.”

JEREMIA 48:9

Lehen ma habong tu Moab anso kehe ia habang; angka kotana angkon gabe lobu, nada adong na manginganisa.”

JEHESKIEL 39:23

Jana torang botoon ni sandok bangso, nitongos pe halak Israel tu habuangan hara ni dosa ni halahi do maradopkon Au. Na dung Hutadingkon do halahi jana Hupadiar talu dibaen musuna jana dibunui di bagasan parporangan.

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

JEREMIA 5:9

Nada he patutna ma angkon uhumanKu halahi jana baloskonon sandok na nibaen ni halahi?

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.