JEREMIA 44:21 - BIBEL JAMITA NA DENGGAN

²¹ “Adong he diambang hamu na so diboto Tuhan sanga na dung dihalupahon Ia angka haul na di pelehon di angka kota ni Juda dohot di angka dalan na di Jerusalem, na nibaen ni ompumunu, angka raja-raja dohot angka pamimpinmunu maradu rayat ni luat on dohot hamu sandiri?

JEREMIA 44:21 Referans Kwoze

JEREMIA 44:17

Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

JEREMIA 44:9

Na dung lupa ma he hamu di sude hajahatan na tarjadi di tano Juda dohot di angka dalan na di Jerusalem na nibaen ni ompungmunu, na nibaen ni angka raja-raja ni Juda dohot angka dadaboru ni halahi, dohot hamu bope angka dadaborumunu?

JEREMIA 14:10

Salaho tu bangso i didok Tuhan, “Nada jop rohangKu paida-ida angka jolma i na sai manadingkon Au, jana na so ra mangarajai dirina. Nada ra be Au manghalupahon hasalaan ni halahi, uhumanKu do halahi hara ni dosa ni halahi.”

JEREMIA 11:13

Sun do bahatna debata ni halak Juda, sarupa dohot bahat ni kota ni halahi. Madung dipajongjong halak Jerusalem angka langgatan sabahat ni angka dalan di kota Jerusalem, i ma parhaulan ni haul tu Debata Baal sihagigian i.

JESAYA 64:9

Jadi ulang ma marpiar-piar murukMu, ulang sai paingot-ingot be dosanami. Laing timbangi ma jolo di rohaMu, ale Tuhan, hami on laing bangsoMu.

MASMUR 79:8

Ulang ma uhumi hami hara ni dosa ni ompunami. Ompoti ma manghasiani hami, dibaen madung gale hami.

AMOS 8:7

Disumpahon Tuhan do marhite hagogodang ni si Jakob, “Nada Hulupahon salolot ni lolotna sude na dikarejohon ni halahi!

HOSEA 7:2

Na so unjung do mamolus di pikiran ni halahi, sai paingot-ingotonKu do sude hajahatan ni halahi i. Humaliang halahi do angka dosa ni halahi gabe tangkas do Huida sudena.”

HALUMBAAN 18:5

Angke martamba-tamba do dosania sungkot ro di langit, jana dipaingot-ingot Debata do angka dosana i.

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.

JEHESKIEL 16:24

Boti muse, di balerong dohot di topi ni ganop dalan dipajongjong ho do angka inganan parsombaan ni gana-ganaan jana marhamainan ho disi.

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

1 SAMUEL 15:3

Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”

PANGARATAION 32:19

Marnida pangalaho ni angka dakdanakNa, muruk Tuhan jana manulakkonsa.

PANGARATAION 32:34

Diingot Tuhan do sude, pangalaho ni musuna, Diuhumi Ia halahi, di hatiha hadenggananNa.

JEREMIA 32:32

hara ni sude hajahatan na nibaen ni halak Juda dohot halak Jerusalem rap dohot raja, pamimpin, malim dohot angka panurirang ni halahi.

JEREMIA 44:20

Tu sude halaklahi dohot dadaboru na songon i alusna, hudok ma,