JEREMIA 44:19 - BIBEL JAMITA NA DENGGAN

¹⁹ Dung i didok angka dadaboru i ma, “Tumbuk do di roha ni ama-amanami, hami baen roti na suman potonganna tu Namora di Langit dohot hami tutung haul sanga hami pelehon anggur tu angka debatanami i.”

JEREMIA 44:19 Referans Kwoze

JEREMIA 7:18

Dipalagut angka dakdanak do soban, halaklahi na magodang pagarahon api jana dadaboru mancampur adonan laho pature kue di debata boru-boru na nigoaran ni halahi Ratu Banua Ginjang. Jana na pahancit rohangKu dihaulkon halahi muse ma anggur tu angka debata.

JEREMIA 44:15

Dung i marroan ma halak bahat sajo mandapotkon au, i ma angka ama-ama na mamboto dadaboruna kehe memelehon haul tu angka debata dohot sude dadaboru na marjongjongan disi, dohot ma disi halak Israel na maringanan di Mesir na di Selatan – didok halahi ma tu au,

2 JUJUR TAON 21:6

Songon parngoluon ni Raja Ahab dohot angka raja ni Israel i do diihutkon ia, dibaen boru ni si Ahab do sada dibuat ia ripenia. Mardosa do ia tu Tuhan,

1 RAJA-RAJA 21:25

Nada jungada adong halak na songon si Ahab situtu ni rohana mambaen na jahat di adopan ni Tuhan. Hara ni panyosoi ni si Isebel na nibuatnia i ma sudena hajahatan i dibaen ia.

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

PODA 11:21

Halak na jahat pasti dapot uhuman; halak na denggan marhaluaan.

JEREMIA 44:20

Tu sude halaklahi dohot dadaboru na songon i alusna, hudok ma,

BILANGAN 30:8

Tapi hatiha tarbege tu halaklahinia, dirarang ia patulusonna nietna i gabe na malua ma ia sian nietnia i, diampuni Tuhan i do ia.”

BILANGAN 30:12

Tapi muda dirarang halaklahinia do patulusonnia niet sanga janjinia hatiha dibege ia taringot tusi, gabe malua ma dadaboru i sian nietnia. Diampuni Tuhan i do ia, angke dirarang halaklahinia hian do ia, patuluskon nietna.