JEREMIA 44:17 - BIBEL JAMITA NA DENGGAN

¹⁷ Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

JEREMIA 44:17 Referans Kwoze

JEREMIA 7:18

Dipalagut angka dakdanak do soban, halaklahi na magodang pagarahon api jana dadaboru mancampur adonan laho pature kue di debata boru-boru na nigoaran ni halahi Ratu Banua Ginjang. Jana na pahancit rohangKu dihaulkon halahi muse ma anggur tu angka debata.

NEHEMIA 9:34

Angka ompunami, raja, malim dohot angka hatobangonna, sude do mangalanggar uhumMu jana palayaskonsa. Parenta dohot gora na nilehenMu sude, umpe diterge jana nada dibege.

JEHESKIEL 20:8

Tapi dialo halahi do Au jana nada ditangihon halahi. Nada ra halahi mangambungkon angka patung sihagigian i jana nada ra halahi mantak marsomba tu gana-ganaan ni Mesir i. Dompak disi dope halahi madung hobas Au palalu murukKu tu halahi.

PANGARATAION 23:23

tapi muda sian na nionjar ni rohamunu do hamu mambaen janji, angkon patulusonmunu do i.

HARURUAR 16:3

Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

JEREMIA 44:21

“Adong he diambang hamu na so diboto Tuhan sanga na dung dihalupahon Ia angka haul na di pelehon di angka kota ni Juda dohot di angka dalan na di Jerusalem, na nibaen ni ompumunu, angka raja-raja dohot angka pamimpinmunu maradu rayat ni luat on dohot hamu sandiri?

JEREMIA 19:13

Sude bagas na adong di Jerusalem dohot sude bagas ni angka raja ni Juda gabe hodar ma i songon Tofet; angke madung ditutung halak di ginjang ni ganop bagas i dupa tu angka debata langit, jana dipelehon anggur tu angka debata na asing.”

2 RAJA-RAJA 17:16

Dilaosi halahi do sude Tona Ni Tuhan, Debata ni halahi jana dibaen halahi do dua lombu logam sisombaon ni halahi. Dibaen halahi ma gana-ganaan ni Debata Asera, disomba halahi angka binatang jana marsomba halahi tu Debata Baal.

HAKIM-HAKIM 11:36

Jadi didok bujing-bujing i ma tu si Jefta, “Madung marsumpa amang tu Tuhan, jana madung lomo roha ni Tuhan di amang laho mambaloskon hajahatan ni angka halak Amon, musu ni amang i. Jadi sanga aha na dung dijanjihon ni amang, dipalalu amang ma da i.”

BILANGAN 30:12

Tapi muda dirarang halaklahinia do patulusonnia niet sanga janjinia hatiha dibege ia taringot tusi, gabe malua ma dadaboru i sian nietnia. Diampuni Tuhan i do ia, angke dirarang halaklahinia hian do ia, patuluskon nietna.

1 PETRUS 1:18

Angkon botoonmunu do sanga aha na dung digarari laho paluahon hamu sian ngolu na so marguna i na nipateankon ni angka ompungmunu tu hamu. Nada barang na ra sego songon perak sanga sere dibaen panggararna,

MARKUS 6:26

Marsak situtu ma raja i mambege pangidoan i. Tapi inda tarjua ia be pangidoan i hara ni na dung tarsung marsumpa ia dijolo ni angka tamunia i.

JEREMIA 44:9

Na dung lupa ma he hamu di sude hajahatan na tarjadi di tano Juda dohot di angka dalan na di Jerusalem na nibaen ni ompungmunu, na nibaen ni angka raja-raja ni Juda dohot angka dadaboru ni halahi, dohot hamu bope angka dadaborumunu?

JESAYA 48:5

Gabe sian najolo Hupaboa hian do i, dompak so tarjadi Hupabotohon humani, anso ulang didok ho: Gana-ganaanku na mangkarejohonsa, patung na hutuhil dohot patung na hutuang i na manyuruna.

MASMUR 106:6

Laing songon angka ompunami, hami pe madung mardosa, madung hami baen na jahat dohot na manggaga.

MASMUR 12:4

Didok halahi do, “Markuaso do hami marhite dilanami; tarbaen hami mangkatai sagiotnami, jana nada adong tarbaen na mangambati!”

2 RAJA-RAJA 22:17

Ditadingkon halahi do Au jana kehe halahi marsomba tu angka debata na asing. Pasunggul-sunggul murukKu do sude pambaenan ni halahi i. Muruk do Au tu Jerusalem jana nada ra mombun murukKi.

BILANGAN 30:2

“Muda adong sada halaklahi na marniet mangalehen bagi na aha tu Tuhan sanga mamantangkon sanga aha pe, angkon patuluson ni halahi do sude na nijanjihonna i, nada tola mose ia sian janjinia.

2 JUJUR TAON 28:23

Mangalapi hamagoanna dope ia tu dirina dohot tu rayatnia hara ni na mamelehon haul ia tu angka debata ni halak Siria i na manaluhon ia. Dipikir ia, “Madung diurupi angka debata ni Siria i antong angka raja-raja ni Siria, jadi muda hupelehon haul tu halahi, betak na tolongannia muse do iba.”

JEREMIA 1:16

UhumanKu ma bangsongKi patunda ni na mardosa halahi jana dihudukkon halahi Au. Dihaulkon halahi do antong haul tu angka debata na asing, jana dipambaeni halahi patung lalu disomba halahi.

JEREMIA 11:12

Dung i kehe tu angka debata na asing noma halak Juda dohot halak Jerusalem mangido tolong, i ma tu angka debata na nisomba ni halahi marhite na manghaulkon haul. Tapi nangkon na margogo angka debata i paluahon halahi di hamamasa ni parmaraan i.

JEREMIA 18:15

Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

JEHESKIEL 8:16

Dioban Ia ma au tu alaman parbagasan di Bagas Ni Tuhan. Dilambung ni dalan laho masuk tu Bilik Na Badia i, di antara ni langgatan dohot dalan i adong disi dua pulu lima halak halaklahi. Dihudukkon halahi do Bilik Na Badia i, jana marsomba ma halahi adop Habincaran manyomba mataniari na bincar i.

JEHESKIEL 20:32

Giotmunu nian tudos ma hamu dohot angka bangso na asing i dohot tu halak na maringanan di tano sileban na manyomba hayu dohot batu. Tapi nada lalu anggo giot ni rohamunu.’ ”

JEHESKIEL 23:41

Dung i juguk ma halahi di ginjang ni podoman na jeges. Adong ma meja di jolo ni halahi dohot angka sipanganon na tabo; songon i muse dupa dohot miak zetun na Hulehen di halahi.

HABAKUK 1:16

Dung i disomba halahi ma jala i jana dihaulkon halahi haul tu hadang-hadanganna, angke hara ni jala i madung mardohar halahi marlobi-lobian.

JEREMIA 7:17

Diida ho sandiri do parkarejoan ni halahi di angka kota na di Juda dohot di angka dalan na di Jerusalem!