JEREMIA 44:16 - BIBEL JAMITA NA DENGGAN

¹⁶ “Nada ra hami manangihon sanga aha na nidokmu tu hami mangasahon goar ni Tuhan.

JEREMIA 44:16 Referans Kwoze

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

LUKAS 19:14

Tapi goyak ma roha ni halak luat i tusia jana dung kehe ia, disuru halahi ma suruan tusia laho paboahon, ‘Nada ra hami anggo bayo on do gabe rajanami.’

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEREMIA 11:10

Madung dipambaeni halahi dosa na nibaen ni ompu ni halahi narobi; disomba halahi do angka debata jana nada ra halahi mangoloi parentangKu. Rap mangalaosi do halak Israel dohot Juda di parjanjian na Hubaen dohot ompu ni halahi.

JEREMIA 11:8

jana Husuru halahi mangoloi parjanjianKi, hape nada ra halahi manangihon jana nada marpangoloion. Hara ni i, sandok uhuman na adong di bagasan parjanjian i madung Hutimpalkon tu halahi.”

JEREMIA 8:12

O hamu bangsongKu, patut nian maila ma hamu hara ni sude halayason na dung nibaenmunu on! Hape hapal do bohimunu jana nada mamboto hahaila. Jadi hara ni i angkon madabu hamu songon halak na asing na dung madabu i; abis ma riwayatmunu muda dung Huuhumi hamu. Au Tuhan, madung mandok songon i.”

JEREMIA 8:6

Madung marsitutu Au manangihon, hape nada tigor rohamunu mandok hata. Umpe adong sahalak sian hamu na manyolsoli pangalahona na jahat i; nada adong na mandok, ‘Aha do hasalaanku?’ Marsitondong dalanna sandiri be do hamu sude songon kudo na mangaroro tu parporangan.

JESAYA 3:9

Bohi ni halahi patidahon hajahatanna, jana songon halak Sodom, patar-patar halahi paboahon angka dosana, nada ditabunihon be. Marjaya ma halahi! Angke diparo halahi do uhum tu dirina sandiri.

MASMUR 2:3

Didok angka na markuaso i do, “Beta, hita tunggalingkon ma halahi sian harajaanna.”

HARURUAR 5:2

Disapai raja Mesir i ma, “Ise dehe Tuhan i? Biasi angkon tangihononku i, jana paloasonku kehe bangso Israel? Nada hutanda Tuhan i, jana halak Israel pe nada huloas kehe.”

1 SAMUEL 8:19

Tapi nada ditangihon bangso i hata ni si Samuel i, mur didok halahi noma, “Padiar ma! Sanga na bia pe por do rohanami marraja.

PODA 1:24

Madung hupiohon hamu jana huelek, hape dijua hamu do jana nada ra hamu manerge.

JEREMIA 13:10

Na jogal do roha ni bangso na jahat on jana na so ra do halahi mangoloi Au. Marsomba jana mangoloi angka debata na asing do halahi. Hara ni i ma halahi gabe songon bobat abit na so marguna i.

JEREMIA 42:13

Tapi angka na tading di Juda, ulang hamu manggagai tu Tuhan Debatamunu, jana ulang dok hamu, “Nada giot hami maringanan di luat on. Tu Mesir do giotnami kehe jana disi hami maringanan. Anggo disi nada hilalaonnami be parporangan, nada pioonna be hami dohot marporang jana nada be tangkuraparon.” Muda laing manggogo dope rohamunu angkon kehe tu Mesir jana maringanan disi, songon on ma tona ni Tuhan Na Markuaso i, Debata ni Israel tu hamu,

JEREMIA 43:2

Jadi didok si Asarya anak ni si Hosaya dohot si Johanan anak ni si Kareah na bulbul i ma tu au, “Margabus do ho. Nada disuru Tuhan Debatanami ho mangorai hami anso ulang kehe maringanan tu Mesir.

JEREMIA 44:24

Dung i hupaboa ma tu sude jolma i lumobi tu bagian dadaboru, na nidok ni Tuhan Na Markuaso i do songon on tu angka halak Juda na maringanan di Mesir, “Na dung marsumpa do hamu dohot angka dadaborumunu tu Namora di Langit mandok na giot manutung haul do hamu tusia dohot mamelehon anggur. Madung dipatulus hamu janjimunu i. Antong songon i noma i! Pambaeni hamu sajo ma sanga aha na nijanjihonmunu i!

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”