JEREMIA 44:14 - BIBEL JAMITA NA DENGGAN

¹⁴ Sian halak Juda na teba i na kehe tu Mesir laho maringanan disi, sahalak pe nada adong na malua sanga mangolu. Sahalak pe sian halahi nada adong be na mulak tu Juda, haru pe lungun sajo roha ni halahi. Tutu do nada adong be na mulak sian halahi asing ni na mangungsi piga-piga halak.”

JEREMIA 44:14 Referans Kwoze

SURAT NI SI PAULUS TU PARLAGUTAN ROM 9:27

Torang do didok Panurirang Jesaya taringot tu halak Israel, “Haru pe sabahat ni horsik na di topi ni laut bilangan ni bangso Israel, hum saotik do i sipaluaon;

JEREMIA 42:17

Sandok halak na manggogo rohana kehe tu Mesir jana maringanan disi, mate di pangan porang ma i, mate hara ni tangkuraparon sanga hara ni nyae masa. Sahalak pe nada adong na malua sian mara na giot paroonKi tu halahi; angkon gabe mate sude.

JESAYA 10:20

Dapot ma hatihana, bangso Israel na teba i nada be marguru tu bangso na markuaso na giot mangago halahi, tapi tu Tuhan, Debata Na Badia ni Israel noma.

JESAYA 4:2

Ro do hatiha ni i baenon ni Tuhan sandok suan-suanan dohot hayu tubu lalu magodang boti jeges di luat on. Anggo di ari i marmoga-moga ma pangkilaan ni Israel jana godang rohana hara ni suha ni tano i.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

SURAT NI SI PAULUS TU PARLAGUTAN ROM 2:3

Jana ho, ale jolma, na manguhumi halak na mambaen na songon i, tapi laing dohot do ho mangkarejohon na songon i, adong he dipikir ho tarbaen ho malua sian uhuman ni Debata?

MATEUS 23:33

O hamu angka ulok, panipu do hamu! Tar bia be baenonmunu paluahon dirimunu sian uhuman na di narako i?

JEREMIA 42:22

Antong, ingot hamu ma: Di tano por ni roha na giot topoton dohot ingananmunu i, disi ma hamu mate baenon ni porang, sanga hara ni haleon potir sanga baenon ni nyae masa.”

JEREMIA 22:10

Hamu halak Juda, ulang ma hamu marsak hara ni parmonding ni Raja Josia. Si Joahas anakna i ma tangisi hamu angke madung hona oban ia jana nada mulak be. Nada idaonna be tano hatubuanna.

JEHESKIEL 6:8

Adong do saotik sian halahi sipaluaonKu sian panyambolan i, tapi paserahon do halahi di tonga-tonga ni angka bangso.

JEREMIA 44:26

Tapi saonnari tangihon hamu ma sanga aha na Hudok tu hamu, ale halak Israel na di Mesir: Au Tuhan, Husumpahon mangasahon goarKu na godang i bahaso na so loasonKu hamu be mamake goarKu laho mambaen janji bagi aha. Nada tola dokkononmunu, ‘Marsumpa Au mangasahon Debata na mangolu i!’

JEHESKIEL 20:38

PaorotonKu ma sian tonga-tongamunu angka halak pangalo dohot parjahat. ObanonKu halahi haruar sian inganan ni halahi saonnari jana nada paloasonKu mulak tu tano Israel. Jadi gabe botoonmunu ma bahaso Au do Tuhan.”