JEREMIA 43:9 - BIBEL JAMITA NA DENGGAN

⁹ “Pambuati ma angka batu na godang-godang, lalu tanom i di bagasan tano di jolo ni pintu masuk tu bagas inganan ni pamarenta ni kota i. Usahahon ma anso diida angka halak Juda dikarejohon ho pangalaho i.

JEREMIA 43:9 Referans Kwoze

HALUMBAAN 18:21

Dung salpu i, ro ma sada surusuruan na gogo, diangkat ia ma sada batu – sagodang ni batu panggilingan – diambungkon ia ma i tu laut jana didok ia ma, “Songon on ma gogona baenon mangambungkon kota Babel na tarbonggal i lopus nada dapot be mangulahi.

BAENON NI ANGKA RASUL 21:11

Ro ma ia mandapotkon hami, lalu dibuat ia ma bobat ni si Paulus. Dirahuti ia ma patnia, songon i muse tangannia sandiri dohot bobat i jana didok ia ma, “On ma na nidok ni Tondi Parbadia: Rahuton ma nampuna bobat on di Jerusalem, songon on ma baenon ni halak Jahudi jana pasahatonna ma ia tu angka bangso na asing na so Jahudi,” ning ia.

NAHUM 3:14

Timbai ma aek simpanan lopus tuk pakeonmu salolot hona hobuk ho, jana patogu ma angka bentengmu! Lonca-lonca ma bustak, mambaen batu bata, jana pasingkop ma tuanganna.

HOSEA 12:10

Tapi Au Tuhan, Debatamunu na maroban hamu haruar sian Mesir, baenonKu ma hamu mangulahi maringanan di angka bandar songon najolo di na Hudapotkon hamu di padang halongonan.

JEHESKIEL 4:1

Didok Debata ma, “Ale jolma parsantongkinan, buat ma sada batu bata, payakkon ma i di jolomu jana gurat ma di ginjangna i gambaran ni Jerusalem.

2 SAMUEL 12:31

Tamba ni i dioban muse dope halak kota i jana disuru maroban gargaji, pangkur bosi, dohot kapak bosi jana dibaen ma halahi markarejo di inganan partukangan ni batu bata. Laing songon i ma dibaen ia tu angka kota ni halak Amon na asing. Dung salpu i, mulak ma si Daud dohot sude tentarania i tu Jerusalem.

HARURUAR 1:14

mambaen ngolu ni halahi markancit. Saotik pe nada adong ibo ni roha di halahi, dipaksa do halahi markarejo di angka proyek pambangunan dohot di ladang-ladang.

JEREMIA 43:8

Didok Tuhan ma disi tu au,

JEREMIA 43:10

Lalu dokkon ma tu halahi, bahaso Au Tuhan Na Markuaso, Debata ni Israel, giot paroonKu naposongKu si Nebukadnesar raja ni Babel tu inganan on. Jana di ginjang ni angka batu na nitanommu di bagasan tano i, giot pajongjongonnia ma habangsania lalu pahirbangonnia bandar ni harajaannia.

JEREMIA 44:30

Hupasahat ma si Hofra raja ni Mesir i tu angka musu na sai giot mamatehon ia, songon si Zedekia raja ni Juda i na Hupasahat tu si Nebukadnesar raja ni Babel i, musuna i na sai giot mamatehon ia.”

JEREMIA 25:19

Angka on ma goar-goar ni halak na deba nari na angkon minum sian piala ni anggur ni Tuhan i: raja ni Mesir rap dohot angka pagawe maradu angka pamimpinna; sude halak Mesir dohot halak sileban na adong di Mesir; sude raja na di tano Us; sude raja ni angka kota Pilistin di Askelon, Gasa, Ekron; sude halak na laing mangolu di Asdod; sude halak Edom, Moab dohot Amon; sude raja na di Tirus dohot Sidon; sude raja na di topi ni Laut Tonga; angka kota Dedan, Tema dohot Bus; sude halak na marpangkas pendek; sude raja ni Arab; sude raja ni angka marga na di padang halongonan; sude raja na di Zimri, Elam dohot Madai; sude raja na di Utara, na dao dohot na donok, pasada-sada. Sandok bangso na satano on angkon inumonna anggur i. Jana na parpudi situtu manginum anggur i, i ma raja ni Babel.