JEREMIA 43:4 - BIBEL JAMITA NA DENGGAN

⁴ Si Johanan pe dohot sude parpangkat i maradu rayat i, nada ra mangoloi parenta ni Tuhan i anso tinggal halahi di tano Juda.

JEREMIA 43:4 Referans Kwoze

JEREMIA 44:5

Hape nada ra hamu manangihon jana nada diterge hamu. Nada ra hamu mantak mambaen na jahat, i ma na mamele i tu angka debata.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

PARJAMITA 9:16

Jadi gabe tutu ma pandapotki bahaso na disalpui habisuhon do kuaso. Haru songon i pe, nada diargahon anggo bisuk ni halak na pogos. Angka hata na nidoknia nada siparrohahonon sudena i.

2 RAJA-RAJA 25:26

Gabe sude ma rayat ni Juda, na kayo dohot na pogos rap dohot angka perwira kehe tu Mesir hara ni biarna tu halak Babel.

JEREMIA 41:16

Dung i dipalagut si Johanan rap dohot angka perwira i ma angka tentara, dadaboru, angka dakdanak dohot angka pagawe ni bagas godang na nitahan ni si Ismael i dung jolo dibunu ia si Gedalya.

JEREMIA 42:8

Dung i hupiohon ma si Johanan rap dohot angka parpangkat i dohot sude halak na asing i na ro rap dohot ia.

JEREMIA 42:21

Saonnari madung hupalalu tu hamu tona ni Tuhan Debatanta i, hape nada ra hamu mangoloisa.