JEREMIA 43:13 - BIBEL JAMITA NA DENGGAN

¹³ Roncohononnia ma angka tugu ni gana-ganaan na di Heliopolis di Mesir, jana angka inganan pamelean ni angka debata ni Mesir abis ma tutunganna.”

JEREMIA 43:13 Referans Kwoze

JESAYA 19:18

Anggo di hatiha i, pakeon ma hata Ibrani di lima kota ni Mesir. Marsumpa mangasahon goar ni Tuhan Na Markuaso i noma angka halak na maringanan disi. Goaron ma sada sian kota na lima i “Kota Mataniari”.

PAMUNGKAAN 41:45

Jadi dipanggoarkon raja i ma sada goar Mesir tu si Josep, i ma si Zafnat-Paaneah. Dilehen ia muse ma sada boru di si Josep na margoar si Asnat, boru ni si Potifera malim na di kota Heliopolis. Marumur tolu pulu taon ma si Josep di na mamungka ia karejo di raja ni halak Mesir i. Jadi kehe ma si Josep sian bagas godang ni raja i jana dibolus ia ma sude luat i.

JESAYA 46:2

Patung na nisombaan nada margogo palua dirina, sude hona taban jana dioban.

JEREMIA 43:12

Pagaraonnia ma api di angka inganan pamelean ni debata ni Mesir, jana tutungan ni raja ni Babel ma angka patung na di inganan pamelean i sanga obanonna tu kotana. Songon parmahan na paiaskon pakeanna sian tusa, songon i muse ma ias ni Mesir sapuon ni raja ni Babel, lalu kehe ma ia mulak maroban hamonangan.

JEREMIA 44:1

Mangkuling ma Tuhan tu au taringot tu sude halak Israel na maringanan di Mesir, i ma na di kota Migdol, Tahpenhas, Memphis dohot di tano Patros.

JEREMIA 46:25

Didok Tuhan Na Markuaso i, Debata ni Israel, “Uhumanku ma Amon, debata na sian Tebe, rap dohot Mesir sudena maradu angka debatana dohot raja-rajana. Raja ni Mesir dohot sude na mangasahon ia

JEHESKIEL 26:11

Manyolat ma angka parangan na markudo i di angka dalanmu jana parmatehononna angka halakmu dohot podang ni halahi. Rumpakkononna angka tugumu na tohong jana na jagar i.

DANIEL 11:8

Di na laho mulak ia tu Mesir, obanonnia ma patung ni debata ni musuna i dohot barang-barang sere dohot perak na dung dihaulkon tu debatana i. Nada porangonnia be raja ni Siria piga-piga taon.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JEREMIA 10:11

Hamu ale angka bangso, angkon paboaonmunu do tu halahi, sisegohonon do angka debata na so manompa langit dohot tano. Mago do halahi sian portibi on.)

JEREMIA 25:19

Angka on ma goar-goar ni halak na deba nari na angkon minum sian piala ni anggur ni Tuhan i: raja ni Mesir rap dohot angka pagawe maradu angka pamimpinna; sude halak Mesir dohot halak sileban na adong di Mesir; sude raja na di tano Us; sude raja ni angka kota Pilistin di Askelon, Gasa, Ekron; sude halak na laing mangolu di Asdod; sude halak Edom, Moab dohot Amon; sude raja na di Tirus dohot Sidon; sude raja na di topi ni Laut Tonga; angka kota Dedan, Tema dohot Bus; sude halak na marpangkas pendek; sude raja ni Arab; sude raja ni angka marga na di padang halongonan; sude raja na di Zimri, Elam dohot Madai; sude raja na di Utara, na dao dohot na donok, pasada-sada. Sandok bangso na satano on angkon inumonna anggur i. Jana na parpudi situtu manginum anggur i, i ma raja ni Babel.

JEHESKIEL 30:13

Didok Tuhan Debata i ma, “Giot ropukanKu angka gana-ganaan dohot angka debata na di Mempis. Nada adong be tu joloan on raja di Mesir. Mabiar baenonKu sude halak na maringanan disi.

JEHESKIEL 30:17

Marmatean ma panganon ni porang angka doli-doli ni kota Heliopolis dohot Bubastis, jana tangkuponna ma angka dadaboru.