JEREMIA 41:7 - BIBEL JAMITA NA DENGGAN

^7-8 Disi lalu halahi tu tonga-tonga ni kota i, manigor dipungka si Ismael ma dohot donganna i mamatehon halahi. Tapi adong ma sampulu halak sian halahi na mandok tu si Ismael, “Ulang bunu hami! Adong dope gandumnami, jawawut, miak zetun dohot aer ni loba hami bunihon di balian ni kota.” Jadi hara ni i nada dibunu si Ismael be halahi. Hape anggo na asing i dibunu ia do jana diambungkon ia bangkena i tu bagasan sumur.

JEREMIA 41:7 Referans Kwoze

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

JESAYA 59:7

Sai matua na mambaen sangkap na jahat do hamu jana mopop laho mandalankonsa. Nada jungada sak rohamunu mamunu halak na so marsala. Sanga na tu dia hamu kehe, matua na manderetkon hasesego ma hamu dohot hamamago.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

SURAT NI SI PAULUS TU PARLAGUTAN ROM 3:15

Sai songon na mopop do pangalangka ni halahi muda giot manduruskon mudar.

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

2 RAJA-RAJA 15:25

Sahalak sian angka tentarania na marpangkat, na margoar si Pekah anak ni si Remalia, mambaen kompolotan rap dohot lima pulu halak na sian Gilead, lalu dibunu halahi ma si Pekahya di sada benteng di bagas godang na di Samaria rap dohot dua halak na asing na margoar si Argob dohot si Arye. Dung i gabe raja ma si Pekah manggontihon si Pekahya.

JESAYA 14:19

hape anggo ho umpe adong kuburanmu; diambungkon do bangkemu jana dipadiar gabe busuk didondoni angka bangke ni parporang na marmatean di bagasan porang, disampakkon rap dohot halahi tu bagasan liang batu lalu dilonca-lonca.