JEREMIA 40:5 - BIBEL JAMITA NA DENGGAN

⁵ Taran so kehe si Nebusaradan, didok ia ma, “Muda ra ho, tola do ho kehe mulak tu si Gedalya anak ni si Ahikam pahompu ni si Safan na dung diangkat ni raja ni Babel gabe gubernur di angka kota ni Juda. Tola do ho maringanan rap dohot ia di tonga-tonga ni rayat i, sanga kehe ho tu dia sajo giot ni rohamu.” Dung i dilehen ia ma balanjo dohot silua di au jana dipaborhat ia ma au.

JEREMIA 40:5 Referans Kwoze

JEREMIA 39:14

mangalap au tu bagas godang. Dung i dipasahat ma au tu si Gedalya anak ni si Ahikam jana pahompu ni si Safan, i ma na mangurus au lopus tarbaen au mulak di bagasan hahorasan. Jadi maringanan ma au di tonga-tonga ni rayat i.

JEREMIA 41:2

disintak si Ismael dohot sisampulu halak i ma podang ni halahi jana dibunu ma si Gedalya.

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

BAENON NI ANGKA RASUL 28:10

Bahat do dipatupa halahi silehen-lehen di hami, jana dioban halahi ma tu kapal sudena na porlu di hami laho kehe hami marlayar.

BAENON NI ANGKA RASUL 27:43

Tapi diantahi perwira i do maksud ni tentara i hara ni na giot paluahon si Paulus ia. Disuru ia ma marlange sude mangambur sanga na ise na malo marlange anso dilangei halahi manigor tu darat;

BAENON NI ANGKA RASUL 27:3

Ancogotna i lalu ma hami di Sidon. Denggan sajo do roha ni perwira Julius i tu si Paulus. Dipaloas ia do si Paulus kehe mandapotkon angka donganna anso tarlehen halahi sanga aha na porlu disia.

JEREMIA 40:4

Saonnari hupalua ma rante on sian tanganmu jana hupalua ma ho. Muda ra ho, tola do ho dohot tu Babel, jana husarihon pe ho. Tapi muda nada ra ho, nada pola bia. Bebas do ho di luat on sanga na tu dia giotmu kehe.”

JEREMIA 26:24

Hape saonnari hara ni pangurupion ni si Ahikam anak ni si Safan, au si Jeremia nada dipasahat tu rayat i anso dibunu.

JEREMIA 15:11

O Tuhan, muda na so denggan do tutu hudalankon karejongku, jana nada huondihon angka musungku di joloMu taran marsak jana susa halahi, sai tulus ma nian bura ni angka jolma i. (

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

PODA 16:7

Muda dipasonang ho roha ni Tuhan angka musumu dibaen Ia gabe dongan.

JOB 22:29

Patutoruon ni Tuhan do halak siginjang roha, hape anggo na serep marroha paluaonNa ma.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

ESRA 7:27

Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

2 JUJUR TAON 34:20

Jadi dilehen raja i ma parenta tu si Hilkia, si Ahikam anak ni si Safan, si Abdon anak ni si Mika, si Safan sekretaris ni negara, dohot si Asaya ajudan ni raja i. Didok ia ma,

2 RAJA-RAJA 22:14

Gabe kehe ma halahi mangido panogu-noguon tu sada dadaboru na margoar si Hulda. Panurirang do ia na maringanan di parhutaan na imbaru di Jerusalem. Si Salum do goar ni halaklahina, i ma anak ni si Tikwa, pahompu ni si Harhas; mangurus pakean ibadat do karejonia di Bagas Ni Debata. Dung dibege si Hulda sude na nipatorang ni halahi i;

2 RAJA-RAJA 22:12

Gabe diparentahon ma tu Malim Hilkia, si Ahikam anak ni si Safan, si Akbor anak ni si Mika, si Safan sekretaris ni bagas godang i dohot tu si Asaya pagawe ni raja i songon on,

JEREMIA 41:1

Di bulan pitu di taon i, kehe ma si Ismael anak ni si Netanya jana pahompu ni si Elisama rap dohot sampulu halak donganna tu Mispa laho marsuo dohot si Gedalya. (Horong na mora-mora do si Ismael, perwira tinggi do ia di harajaan.) Dompak rap mangan halahi sudena,