JEREMIA 37:1 - BIBEL JAMITA NA DENGGAN

¹ Di na dipecat ni si Nebukadnesar raja ni Babel i si Joyakin anak ni si Joyakim, diangkat ia ma si Zedekia anak ni si Josia gabe raja di Juda.

JEREMIA 37:1 Referans Kwoze

JEREMIA 22:24

Didok Tuhan ma tu Raja Joyakin, anak ni si Joyakim raja ni Juda, “Mangasahon Au Debata na mangolu, Huondolkon ma, haru pe di Au tudos tu tintin sitempel ho di tangan siamunKu, angkon buatonKu do ho

2 RAJA-RAJA 24:17

Dung i diangkat si Nebukadnesar ma si Matania uda ni si Joyakin gabe raja di Juda, digonti ia muse ma goarna gabe si Zedekia.

2 RAJA-RAJA 24:12

jana disi ma Raja Joyakin, inangnia, angka dakdanaknia, angka perwirania dohot angka pagawenia menyerah tu si Nebukadnesar. Jadi ditaban ma si Joyakin. Di taon pasalapankon ma i masa dung mamarenta si Nebukadnesar.

JEREMIA 52:31

Di tanggal dua pulu lima bulan dua bolas taon patolu pulu pituhon dung dioban si Joyakin tu habuangan, si Merodak ma na gabe raja di Babel, laing di bagasan taon i dipatuduhon ia ma ibo ni rohania tu si Joyakin, jana dipalua ia ma si Joyakin sian hurungan,

JEREMIA 24:1

Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

JEREMIA 22:28

“Adong he na dung gabe songon hudon tano na matapor do Raja Joyakin, na niambungkon jana na so tarpake be? Hara ni i dehe umbaen na dipaorot jana dibuang ia dohot dakdanaknia tu luat na so nitanda ni halahi?”

JEREMIA 21:1

Diutus si Zedekia raja ni Juda ma tu au Malim Pashur anak ni si Malkia dohot Malim Zefanya anak ni si Maaseya. Disuru ia halahi laho palaluhon pangidoan tu au songon on,

JEREMIA 34:2

Disuru Ia ma au kehe tu si Zedekia raja ni Juda mandok songon on, “Au Tuhan Debata ni Israel, giot pasahatonKu kota on tu raja ni Babel jana surbuonnia noma i lopus abis.