JEREMIA 34:15 - BIBEL JAMITA NA DENGGAN

¹⁵ Piga-piga ari na dung salpu dipauba hamu do pangalahomunu jana dibaen hamu jop ni rohangKu. Satuju do hamu sude laho paluahon angka hatoban sian donganmunu sabangso jana dibaen hamu do parjanjian i rap dohot Au di bagasan BagasKu.

JEREMIA 34:15 Referans Kwoze

JEREMIA 34:8

Mambaen parjanjian ma Raja Zedekia dohot halak na maringanan di Jerusalem laho paluahon

2 RAJA-RAJA 23:3

Dung i dibaen raja i ma parjanjian dohot Tuhan anso burju mangoloi tuSia dohot mandalankon sian sandok roha dohot sandok ate-ate sude parenta dohot angka tonaNia jana gohanna ma aturan ni parjanjian ni Tuhan dohot bangsoNa na tarsurat di bagasan buku i. Dohot do sude rayat marjanji anso burju mangoloi parjanjian i.

NEHEMIA 10:29

Hami sude pasadahon dirinami dohot angka pamimpinnami jana hami sumpahon anso mangolu hami mangihutkon Uhum Ni Debata na nilehenna i marhite si Musa, naposoNa i. Sai diburai Debata ma hami muda nada hami patulus parjanjian on. Hami sumpahon ma na giot oloannami sandok parenta, uhum dohot paraturan ni Tuhan, Debatanami.

MATEUS 15:8

‘Dipasangap bangso on do Au hum di pamangan sajo, hape anggo roha ni halahi dao do sian Au, songon i ma pandok ni Debata.

JEREMIA 32:34

Mur hodar muse dope dibaen halahi bagas na dipajongjong baen inganan paribadatan tu Au, marhite na mamayakkon angka gana-ganaan na nihagigihon di inganan i.

JESAYA 58:2

Dijalahi halahi do Au ganop ari, jana marpor ni roha giot mananda nasa dalanKu. Songon bangso na mangkarejohon na tutu dohot na so maninggalkon aturan ni Debatana disapai halahi do Au taringot tu aturan na tigor, jop do roha ni halahi mangadop tu Debata.

MASMUR 119:106

Na hujanjihon mardongan sumpa gohanku ma i, haputusanMu na tigor i patulusonku do i.

MASMUR 76:11

Gohi ma janjimu tu Tuhan Debatamu. Denggan ma i sude bangso na maringanan di na donok maroban silua di Debata sihabiaran i.

2 RAJA-RAJA 14:3

Dipatupa si Amasia do na pasonangkon roha ni Tuhan. Tapi nada songon si Daud ompuna i ia, angke songon amana,

2 RAJA-RAJA 12:2

Hara ni pamodaion ni Malim Joyada, salolot mangolu si Joas sai na pasonangkon roha ni Tuhan do pambaenannia.

HAMALIMON 25:10

Songon i ma baen hamu hasurungan ni taon palimapuluhon i, jana paboa haluaan di sude pangisi ni luat on. Salolot ni na pitu taon i, sandok arta teanan na dung targadis angkon paulahon tu nampuna hian sanga tu pomparanna. Sanga ise na dung targadis gabe hatoban, angkon dipaulak tu keluargana.