JEREMIA 34:11 - BIBEL JAMITA NA DENGGAN

¹¹ Hape marbalik ma muse roha ni halahi, dibuati halahi mangulahi angka hatoban i jana dipaksa halahi gabe hatoban mangulahi.

JEREMIA 34:11 Referans Kwoze

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

PODA 26:11

Songon anjing na mulak tu uta-utana, songon i ma halak na oto mangulahi haotoonna.

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

JEREMIA 37:5

Madung kehe tentara ni Mesir sian Mesir laho marporang. Umbege i, gabe mundur ma tentara ni Babel na manghobuk Jerusalem i.

JEREMIA 34:21

PasahatonKu ma si Zedekia raja ni Juda i dohot angka pagawena tu angka jolma na sai giot mamatehonsa. PasahatonKu ma halahi tu tentara ni Babel, na dung manadingkon hamu.

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

1 SAMUEL 26:21

Dung i dialusi si Saul ma, “Ma sala na hubaen i. Mulak ma ho anakku, Daud! Nada baenonku be na jahat tu ho, dibaen madung dipadiar ho au mangolu napotangin. Na bodo ma antong pangalahongku. Na dung tutu situtu do au hape lilu.”

1 SAMUEL 24:19

Madung dipatidahon di ari sadarion na denggan do hape rohamu tu au, angke nada dibunu ho au haru pe na dung dipasahat Tuhan au tu tanganmu.

HARURUAR 9:28

Tangiangkon hamu ma tu Tuhan, madung tuk parkancitannami dibaen ambolas on. Marjanji ma au laho paloaskon hamu kehe. Indangkon pola tinggal be hamu dison.”

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

HARURUAR 8:8

Dipio raja i ma si Musa dohot si Harun, ning ia ma, “Tangiangkon ma tu Tuhan, anso dipakehe Ia angka tohuk on, dung i huloas pe kehe bangsomi manghaulkon haul tu Tuhan.”

JEREMIA 34:10

Sude rayat dohot angka pajabat ni pamarenta na dohot di parjanjian laho paluahon angka hatoban ni halahi jana nada be parhatobanon ni halahi mangulahi, paluaon ni halahi ma tutu situtu angka hatoban ni halahi i.

JEREMIA 34:12

Jadi hara ni i ro ma Tuhan,

JEREMIA 34:16

Hape dung salpu i gabe muba rohamunu jana mangalayasi goarKu. Dibuat hamu jana dipaksa hamu gabe hatoban mangulahi angka hatoban na dung nipaluamunu hombar tu pangidoan ni roha ni halahi.