JEREMIA 33:3 - BIBEL JAMITA NA DENGGAN

³ “Pio-pio ma ho tu Au, jadi gabe alusanKu ma; giot paboaonKu tu ho angka pangalaho na jeges-jeges jana na pahomang roha na so diboto ho dope.

JEREMIA 33:3 Referans Kwoze

JEREMIA 29:12

Jadi mangido tolong ma hamu tu Au, jana alusanKu ma tangiangmunu.

JESAYA 65:24

Jadi andorang so pio-pio halahi, madung Hualusi; hatiha manghobari halahi, madung Hubege.

EPESUS 3:20

Markite-hite kuaso ni Debata na marsitutu i markarejo di bagasan dirinta, tarpatupa Debata do dao umbahat dope sian angka na hita pangido dohot na tapikirkon.

JESAYA 48:6

Madung dibege ho sudena i jana saonnari idaonmu noma i. Saonnari Hupataridahon angka pangalaho na imbaru, na so unjung dope Hubaritahon di hatiha na salpu.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

PANGARATAION 4:29

Jalahanmunu ma disi Tuhan Debatamunu, jana muda sian sandok roha dohot tondimunu hamu manjalahi Ia, dumpang hamu ma Ia.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 145:18

Donok do Ia tu halak na pio-pio tuSia, tu ganop halak na martangiang sian bulus ni rohana.

PANGARATAION 4:7

Anggo angka bangso na asing sanga na bia pe godangna, nada adong debatana na songon i donokna muda dihaporluhon songon donok ni Tuhan Debatanta tu hita. Dialusi Ia do hita sanga na andigan sajo hita pio-pio mangido tolong.

BAENON NI ANGKA RASUL 2:21

Anggo di hatiha i, dapotan haluaan ma sanga ise na mangido pangurupi ni Tuhan i.”

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

JESAYA 45:3

Gabe lehenonKu ma di ho arta pusako, harta sinadongan na buni, anso diboto ho Au Tuhan Debata ni Israel, na dung marpio ho marhite goarmu.

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

MATEUS 13:35

Jadi hara ni na songon i, tulus ma tarjadi hata ni panurirang, na mandok songon on, “Marumpama do Au muda mangkatai dohot halahi; giot paboaonKu angka pangalaho na so habotoan dope mamungka sian hajajadi ni portibi on.”

MIKA 7:15

Baen ma hahomangan di hami, ale Tuhan, songon na nibaenMu narobi di na niobanMu hami haruar sian Mesir.

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

1 KORINTUS 1:2

tu parlagutan ni Debata na di Korintus, i ma angka na diparbadiai di bagasan Kristus Jesus jana na nipiohon gabe angka halak na badia, dohot tu sude halak di sude ingananna, na mamiohon goar ni Tuhanta Jesus Kristus, i ma Tuhan ni halahi dohot Tuhanta.

JEREMIA 23:35

Tapi suhar-suharna, sapatutna nian angkon sapaan ni halak do tu donganna dohot tu dongan sabagasna, ‘Aha do alus ni Tuhan?’ sanga ‘Aha do na nidok ni Tuhan?’

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

JEREMIA 32:27

“Au do Tuhan Debata ni sude jolma. Nada adong na maol di Au.

DANIEL 2:18

Disuru ia ma halahi martangiang tu Debata na di banua ginjang i anso ibo rohaNia mida halahi jana anso dipaboa arti ni nipi i. Jadi muda songon i nada be bunuon halahi rap dohot angka na pistar na adong si Babel.

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

DANIEL 2:23

Ale Debata na nisomba ni daompung, hupuji jana hupasangap Ho. Dibaen dilehen Ho di au bisuk dohot gogo. Madung ditangihon Ho pangidoannami. Jana dipatuduhon Ho do alus tu raja i.”