JEREMIA 33:2 - BIBEL JAMITA NA DENGGAN

² na manjadihon tano dohot na manompa jana na mamayakkonsa di hapayahanna. Didok Ia,

JEREMIA 33:2 Referans Kwoze

JESAYA 37:26

Na so jungada dope he dibege ho, na Husangkapi hian do i sian narobi? Jana saonnari ma i Hupatulus. Au do da na mangalehen kuaso di ho laho mangaroncohon angka kota na marbenteng gabe tinggal sego-segona.

HARURUAR 15:3

Tuhan do panglima ni porang; Tuhan, i ma goarNa.

HARURUAR 6:3

Ro do Au mandapotkon si Abraham, si Ishak dohot si Jakob, i ma Debata na gok kuaso, tapi nada Hupataridahon diringKu tu halahi marhite goar ‘Tuhan’ i ma goarKu na badia i.

HALUMBAAN 21:10

Jadi digohi Tondi Parbadia ma au, jana dioban surusuruan i ma au tu puncut ni dolok na lobi gincat. Dipatidahon ia ma tu au Jerusalem, Kota Na Badia i. Na mijur do huta i sian banua ginjang, sian Debata

JESAYA 62:7

Angkon torus do halahi mangido ulang padiar Ia maradian sampe dibangun Ia Jerusalem, jana anso gabe kota na godang di sandok portibi.

JESAYA 43:21

Madung Hubaen bangso Israel gabe hapunjunganKu, laho mangendehon puji-pujian di Au.”

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 14:32

Aha ma ulaning alusta tu angka suruan na ro i sian Pilistin? Tadok ma tu halahi bahaso na dung dipauli Tuhan, Sion jana disi ma dapotan pangondian bangsoNia na marhancit.

MASMUR 102:16

muda bangunon ni Tuhan ma Sion mangulaki, jana muda ro Ia di bagasan hatongamonNia.

MASMUR 87:5

Salaho tu Sion didokkon ma, “Di bagasanna do sude halahi disorangkon jana Ia Na Gumincat na giot pahotkon halahi.”

HALUMBAAN 21:2

Gabe huida ma Kota Na Badia i, i ma Jerusalem na imbaru, na mijur sian banua ginjang sian Debata. Madung jolo nihobasan kota i songon boru na giot marbagas laho mandapotkon halaklahina.

IBRANI 11:16

Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.

IBRANI 11:10

Angke tarpainte-inte do si Abraham anso tinggal ia di kota na giot baenon jana na nipauli ni Debata di ginjang ni ojahan na togu.

AMOS 9:6

Dibangun Tuhan do bagasNia di langit i dao, dibaen Ia ojahan ni kubah di ginjang tano. Aek na sian laut ditimba Ia tu darat, Tuhan do na mambaen i sudena.

AMOS 5:8

Tuhan do na mambaen angka bintang na di ginjang – bintang Poriama dohot bintang Sidongdong. Dipauba Ia do na golap gabe torang dohot arian gabe borngin. Aek na sian laut ditimba Ia tu darat i. Tuhan do na mambaen sudena i.

JEREMIA 32:18

Dipatuduhon Ho do holong ni rohaMu na manongtong tu halak na marribu-ribu, tapi diuhum Ho muse do halak hara ni dosa ni simatobangna. Debata na godang do Ho jana na gogo; Tuhan Na Markuaso i do goarMu.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEREMIA 16:21

“Hara ni i boto ma, paboaonKu ma tu halahi, sanoli on angkon paboaonKu ma tu halahi kuasongKu dohot hagogoonKu, anso diboto halahi bahaso Tuhan do goarKu.”

JEREMIA 51:19

Anggo Debata ni si Jakob nada songon gana-ganaan i; Ia do na manompa sasudena. Tuhan Na Markuaso i do goarNia; ditodo Ia do Israel gabe bangsoNa.

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.