JEREMIA 33:15 - BIBEL JAMITA NA DENGGAN

¹⁵ Anggo di hatiha i pilionKu ma sada raja na tigor sian pomparan ni si Daud. Padalanon ni raja i ma hatigoran dohot na sintong di sude luat.

JEREMIA 33:15 Referans Kwoze

JESAYA 4:2

Ro do hatiha ni i baenon ni Tuhan sandok suan-suanan dohot hayu tubu lalu magodang boti jeges di luat on. Anggo di ari i marmoga-moga ma pangkilaan ni Israel jana godang rohana hara ni suha ni tano i.

ZAKARIA 3:8

Tangihon ma, ale Malim Godang Josua, dohot hamu ale angka malim na asing, hamu ma da na songon gambaran ni hatiha hasonangan na giot ro. PatidahononKu ma di hatiha i naposongKu i ma Sada Tunas.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.

JESAYA 53:2

Songon tumbur do ia tubu di adopan ni Tuhan, jana songon tunas sian tano na mahiang. Nada adong hajegesonna jana nada adong hasangapanna, na mambaen hita mangaligi tusia: Nada adong tompana, na mambaen hita marpor ni roha.

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

MASMUR 45:4

Maju ma da mardongan sahala manuju habonggalan marayakkon hajojongjong ni hatigoran dohot uhum. Gogo ni raja i ma da padumpangkon hamonangan na marbungaran.

JEREMIA 17:25

Anggo disitutui hamu do mandalankon angka na Huparentahon, gabe hot ma habangsa ni si Daud juguhan ni pomparanna. Jana manengget kareta ma halahi dohot kudo, halahi rap dohot angka na mora-mora, halak Juda dohot halak na maringanan di Jerusalem, jana kota Jerusalem pe tongtong noma ribur.

JEREMIA 30:9

Mangoloi noma halahi tu Au Tuhan Debata ni halahi, dohot tu sada halak sian pomparan ni si Daud na giot angkatonKu gabe raja.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’