JEREMIA 32:9 - BIBEL JAMITA NA DENGGAN

⁹ Jadi hutobusi ma tano i sian si Hanameel, hutimbang ma hepeng disia: pitu bolas sikal perak argana.

JEREMIA 32:9 Referans Kwoze

ESTER 3:9

Anggo na so haboratan do raja i, diharuarkon ma sugari surat parenta laho mamusa halahi. Jana muda na ra do raja i manjagit usul sian iba, pasti tarpamasuk iba do lobi sian 340.000 kilogram perak tu bagasan kas ni raja i.”

1 RAJA-RAJA 20:39

Jadi dompak mamolus raja i, pio-pio ma panurirang i tusia didok ma, “Daulat na marmulia, dompak na marporang i au di parporangan i, dioban sada parajurit ma tu au sahalak musu na tartangkup, dung i didok ma tu au, ‘Denggan jagohon bayo on; muda lari ia, angkon bunuon do ho gontinia sanga mandangdangi ho tolu ribu hepeng perak.’

HOSEA 3:2

Jadi hutobusi ma ia di au, hulehen ma lima bolas hepeng perak songon tobusna dohot 150 kilogram bajaure.

JESAYA 55:2

Baen aha manobusi barang na so bisa panganon, dohot markarejo baen tu sipanganon na so pabutongkon? Ihutkon ma parentangKu, gabe dapot ho ma na denggan, jana daionmu ma sipanganon na tabo.

PAMUNGKAAN 37:28

jana hatiha mamolus deba saudagar halak Midian diparuar angka angkangna i ma si Josep sian bagasan sumur i, digadiskon halahi ma ia tu halak Ismael i arga dua pulu hepeng perak. Dung i dioban angka parjagal i ma ia tu Mesir.

PAMUNGKAAN 24:22

Dung sidung dilehen anak boru i angka unto i minum, dibuat hatoban ni si Abraham i ma anting-anting sere sigodang arga, dipapakehon ia ma tu igung ni anak boru i. Tanganna i pe dipapakehon ia ma sapasang golang sere.

HARURUAR 21:32

Muda mate didogo-dogo lombu jantan i hatoban halaklahi sanga dadaboru, angkon gararon ni nampuna lombu i ma tolu pulu hepeng perak tu nampuna hatoban i, jana lombu i pe angkon nidangguran dohot batu lopus mate.

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

JEHESKIEL 4:10

Angkon bagi-bagionmu ma roti i anso tuk di ho ganop ari 230 gram sajo. Nada tola lobi sian i.