JEREMIA 32:4 - BIBEL JAMITA NA DENGGAN

⁴ Raja Zedekia pe nada malua, tapi dohot do ia pasahaton tu raja ni Babel. Mangadop ma ia tu raja i jana manghobari sandiri dohot ia.

JEREMIA 32:4 Referans Kwoze

JEREMIA 38:23

Hudok ma mangulahi, “Sude isi ni bagas ni raja i obanon ni halak Babel ma haruar. Raja i sandiri pe nada malua. Tangkupon ni raja Babel ma raja i jana kota on surbuonna ma sude.”

JEREMIA 38:18

Tapi muda nada ra ho manyora, madabu ma kota on tu tangan ni halak Babel; surbuon ni halahi ma kota on lopus abis, jana ho pe nada tarbaen malua.”

JEREMIA 37:17

Dung i disuru Raja Zedekia ma halak maroban au mangadop tusia di bagas godang. Disi disapai ia ma au di sihabunian betak na adong tona sian Tuhan. “Adong,” ningku mangalusi, lalu hupaudut, “Pasahaton noma raja i tu raja ni Babel.”

JEREMIA 34:3

Nada tarbaen ho malua, tapi tartangkup ma ho jana pasahaton tusia. Marsuo ma ho tusia jana manghatai sandiri dohot ia, dung i kehe ma ho tu Babel.

JEREMIA 34:21

PasahatonKu ma si Zedekia raja ni Juda i dohot angka pagawena tu angka jolma na sai giot mamatehonsa. PasahatonKu ma halahi tu tentara ni Babel, na dung manadingkon hamu.

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 25:35

Jadi nada adong be haluan di angka parmahan, laing songon i muse do bope di angka pamimpin ni angka habanan.