JEREMIA 32:32 - BIBEL JAMITA NA DENGGAN

³² hara ni sude hajahatan na nibaen ni halak Juda dohot halak Jerusalem rap dohot raja, pamimpin, malim dohot angka panurirang ni halahi.

JEREMIA 32:32 Referans Kwoze

DANIEL 9:8

Dipambaeni angka rajanami, dohot angka na markuaso dohot angka ompunami do angka pangalaho na pailahon jana na mardosa tu Ho ale Tuhan.

JEREMIA 2:26

Didok Tuhan, “Songon ila ni roha ni panangko di na tartangkup, songon i ma hamu sude maila, ale halak Israel, angka raja maradu angka na marpangkat, angka malim maradu angka panurirangmu!

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

ESRA 9:7

Mamungka sian zaman ni angka ompunami lopus saonnari, sai mardosa do hami bangsoMon tu Ho. Patunda ni i ma umbaen na talu hami, angka rajanami dohot angka malimnami dibaen angka raja na asing i. Hona bunu hami, disamun dohot dihaldung gabe taban. Madung dipalayas hami marabis-abis, songon pangalaho na masa di ari sadari on.

DANIEL 9:6

Nada hami tangihon angka panurirang, angka naposoMi na mandok hata mangasahon goarMu tu angka rajanami, tu angka na markuaso, tu angka ompunami maradu tu sude bangsonami.

JEHESKIEL 22:6

Sude pamimpin ni Israel mangasahon gogo ni botohonna sandiri do jana sai mamunu jolma.

JEREMIA 44:17

Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

JEREMIA 44:21

“Adong he diambang hamu na so diboto Tuhan sanga na dung dihalupahon Ia angka haul na di pelehon di angka kota ni Juda dohot di angka dalan na di Jerusalem, na nibaen ni ompumunu, angka raja-raja dohot angka pamimpinmunu maradu rayat ni luat on dohot hamu sandiri?

DANIEL 9:16

Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

JESAYA 22:1

On ma alatan taringot tu Rura Halumbaan: O hamu na maringanan di Jerusalem, biasi manaek hamu sude tu tarup ni bagas?

JEREMIA 7:17

Diida ho sandiri do parkarejoan ni halahi di angka kota na di Juda dohot di angka dalan na di Jerusalem!

DANIEL 9:7

Ale Tuhan, sai tongtong denggan jana tigor do pambaenanMu, tapi anggo hami sai tongtong do mambaen tilako tu dirinami, i ma hami sude na maringanan di Juda dohot di Jerusalem maradu sude dongannami sabangso na nipaserakMu tu angka luat na dao dohot na donok hara ni na so unduk halahi tu Ho.