JEREMIA 32:21 - BIBEL JAMITA NA DENGGAN

²¹ Marhite kuaso dohot hagogoanMu na godang i diparuar Ho halak Israel sian Mesir. Dipatupa Ho do angka tanda dohot hahomangan maradu angka pangalaho na masa na mambaen musu tarsonggot.

JEREMIA 32:21 Referans Kwoze

PANGARATAION 26:8

Mardongan kuaso dohot hagogoonNia na sumurung i, dipalua Ia do hami sian Mesir. Dipatupa Ia angka tanda dohot hahomangan, jana dipamasa Ia angka na jorbut.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

MASMUR 105:43

Jadi ditaruhon Ia bangsoNia mardongan jop ni roha, marendei halahi marsurak marmoga-moga.

MASMUR 105:37

Dung i ditaruhon Ia ma bangso Israel ruar, sere dohot perak dohot dioban; horas torkis do sude jana marhagogoan, di bagasan gomgoman ni Tuhan.

1 JUJUR TAON 17:21

Jana di tano on sudena, nada adong sada bangso na songon bangso Israel. Hum sasada bangso Israel do bangso na nipaluaMu sian parhatobanan anso dibaen Ho gabe bangsoMu sandiri. Sandok pambaenanMu na godang dohot na pahomang roha i na nibaenMu di halahi, angka i ma mambaen tarbonggal situtu goarMu di sandok tano on. Dipalua Ho do bangsoMu sian Mesir jana dihusilkon Ho angka bangso na asing na mangambat-ambati bangsoMi.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:9

Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

HARURUAR 6:1

Dung i didok Debata ma tu si Musa, “Ligionmu ma saonnari sanga aha na giot baenonKu tu raja i. PaksahononKu ma tusia anso dipalua ia bangsongKu. Angkon paksaonKu ia anso dipatola ia kehe halahi sian luat on.”

PANGARATAION 7:19

Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.

2 SAMUEL 7:23

Jana nada adong sada bangso di tano on songon Israel. Hum sasada Israel do bangso na nipaluaMu sian parhatobanan anso baenonMu gabe bangsoMu sandiri. Sude pambaenanMu na godang i dohot hahomangan na nibaenMu tu halahi, na pararatkon hahuskuson ni goarMu do i tu sandok tano on. Madung dipaorot Ho angka bangso na asing dohot angka debata ni halahi di na kehe bangsoMi tu paraloan.

HARURUAR 3:20

Jadi patidahononKu ma kuasongKu, jana uhumonKu ma halak Mesir i marhite angka bala na jorbut tu halahi. Dung i loasonnia ma hamu kehe.

PANGARATAION 11:3

dohot angka hahomangan na nibaenNia. Diida hamu sandiri do sanga aha na nibaenNia tu raja ni Mesir dohot tu sude luatnia i.

JESAYA 63:12

Di dia do na mandongani si Musa marhite tanganNa na gogo marmulia, jana na mambola aek di jolo ni bangsoNia anso tarbarita goarNia?