JEREMIA 31:2 - BIBEL JAMITA NA DENGGAN

² Hupatuduhon holong ni rohangKu di padang halongonan tu halahi na dung malua sian hamatean. Dompak na manjalahi hademahan Israel,

JEREMIA 31:2 Referans Kwoze

MASMUR 95:11

Gabe marsumpa Au di bagasan murukKu, nada masuhan ni halahi tano i laho maradian rap dohot Au.”

BILANGAN 10:33

Dung ditinggalkon halak Israel Sinai, dolok na badia i, mardalan ma halahi tolu ari honokna. Tongtong do di jolo Poti Parjanjian Ni Tuhan i, anso dipaboa ia inganan parbandaran di halahi.

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

PANGARATAION 1:33

haru pe sai tongtong dijoloani Ia hamu laho manjalahi inganan parbandaran di hamu. Dijoloani Ia do hamu laho patuduhon dalan, di bagasan tiang api taran borngin dohot tiang ombun muda di arian.”

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

MASMUR 78:52

Jadi diuluhon Ia ma bangsoNia songon habanan ni biri-biri, mangiring halahi mamolus padang halongonan i.

PANGARATAION 12:9

dibaen nada masuk dope hamu tu tano na giot silehenon ni Tuhan Debatamunu tu hamu, i ma ingananmunu, disi ma tarbaen hamu mangolu di bagasan sonang.

PANGARATAION 8:16

Di parhorsihan i dilehen Ia do manna gabe sipanganonmunu, i ma sipanganon na so jungada humani dope dipangan ompumunu di jolo ni i. Diparo Ia angka hamaolon tu dirimunu laho manguji hamu anso di ujungna tarbaen Ia mamasumasu hamu dohot rasoki.

PANGARATAION 2:7

Ingot hamu ma sanga songon dia pamasumasu ni Tuhan Debatamunu di hamu di bagasan sasude na nibaenmunu. Madung diparmudu-mudu Ia hamu salolot na madang-adang mamolus parhorsihan na bolak i. Madung didongani Ia hamu di na opat pulu taon on jana dipasingkop Ia sandok na hasaya di hamu.

PANGARATAION 1:30

Tuhan Debatamunu do mamimpin hamu dohot marporang humopkop hamu songon na dung niidamunu sandiri di Mesir

BILANGAN 14:20

Gabe dialusi Tuhan i ma, “Denggan! Huampuni pe halahi songon na nipangidomi.

HARURUAR 33:14

Jadi didok Ia ma, “Sai dongananKu do hamu jana lehenonKu hamonangan di hamu.”

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

HARURUAR 1:16

Ninna raja ni Mesir i ma tu angka bidan i, “Muda ditolong hamu ina ni halak Ibrani na giot manubuhon dakdanak, ingot ma on: Muda halaklahi do na sorang i, bunu hamu! Tapi anggo dadaboru do, padiar hamu ma mangolu.”

HARURUAR 12:37

Mardalan ma halak Israel sian Ramses tu kota Sukot. Bahat ni halahi adong do 600.000 halak so padohot dadaboru dohot dakdanak.

HARURUAR 5:21

Ninna angka mandur i ma, “Madung diida Debata pambaenanmunu jana uhumonNia ma hamu, angke hara ni hamu do bonsirna gabe magigi raja i dohot angka parpangkat mida hami. Madung dilehen hamu alasan tu halahi, dalan laho mamunu hami.”

HARURUAR 2:23

Dung sanga piga-piga taon honokna, raja Mesir i pe mate ma. Tapi anggo halak Israel tongtong do marhoi-hoi hara ni na diparhatoban, pola tehe gogo sora ni halahi mangido tolong. Lalu ma angguk-angguk ni halahi tu Debata.

JOSUA 1:13

“Ingot! Madung didok si Musa naposo ni Tuhan i do tu hamu, anggo tano na di Habincaran ni Batang aek Jordan on na giot lehenon ni Tuhan Debatamunu do di hamu baen tanomunu sandiri.

HOSEA 11:4

Mardongan ihot-ihot holong ni roha, Hutarik halahi tu Au. Songon na mangangkat auga do Au di halahi. Hupaunduk do tu halahi laho marmamasa.

JEHESKIEL 20:35

Jadi obanonKu ma hamu tu ‘Halongonan Ni Angka Bangso.’ Disi ma hamu uhumanKu paado-adop bohi be,