JEREMIA 30:21 - BIBEL JAMITA NA DENGGAN

^21-22 Raja na marasal sian hamu mamarenta di tonga-tongamunu. Roha-rohania do mandonohi Au muda Hupio ia mangadop tu Au. Angke ise ma he na puluk ro mangadop tu Au sian roha-rohana sajo? Gabe bangsongKu ma hamu jana Au gabe Debatamunu. Au do Tuhan, na mandokkon songon i.”

JEREMIA 30:21 Referans Kwoze

BILANGAN 16:5

Dung i didok ia ma tu si Korah dohot donganna i, “Ancogot manyogot i patidahonon ni Tuhan ma tu hita sanga ise sian hita na dung mardohonan di Tuhan. Halak na dung mardohonan di Tuhan i, patuduhonon ni Tuhan sandiri do i mandongani Tuhan i di langgatan i.

JEHESKIEL 37:24

Jadi naposongKu si Daud ma gabe rajana jana sada ma na marmahani halahi. Mangolu ma halahi di bagasan pangoloionna tu angka uhumKu dohot mangkarejohon sude angka tonangKu.

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

JEREMIA 30:9

Mangoloi noma halahi tu Au Tuhan Debata ni halahi, dohot tu sada halak sian pomparan ni si Daud na giot angkatonKu gabe raja.

2 SAMUEL 7:13

Ia do na giot pajongjong bagas di Au, jana pahotonKu harajaannia sapanjangna.

PANGARATAION 33:5

Di na marlagut bangso on dohot angka pamimpinNa, Tuhan do na gabe raja di bangsoNa.”

PANGARATAION 18:18

SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”

MATEUS 27:37

Dilohotkon halahi ma di ginjang uluNia surat paboahon hasalaanNia. Songon on ma hatana, “Indon ma Jesus Raja ni halak Jahudi”.

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

MATEUS 2:2

Disapai halahi ma, “Di dia do Dakdanak na sorang i, i ma na gabe Raja ni halak Jahudi i? Na hami ida do bintangNa bincar di sabola Habincaran, jadi na giot marsomba tuSia do umbaen na ro hami.”

JEREMIA 50:44

Songon singa na muldop sian harangan godang na di lambung ni Batang aek Jordan mandapotkon padang panjampalan ni biri-biri songon i ma, Au Tuhan, giot ro jana mambaen marlojongi halak Babel sian kota ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise ma he na puluk mangalo Au? Adong dehe pamimpin na margogo mangalo Au?

JEREMIA 49:19

Songon singa na muldop sian harangan godang di lambung ni Batang aek Jordan, jana na ro mandapotkon padang panjampalan ni biri-biri, songon i ma Au giot ro jana mambaen marlojongi halak Edom sian tano ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise he puluk mangalo Au? Adong dehe lakna pamimpin na puluk mangalo Au?

PAMUNGKAAN 18:27

Dialusi si Abraham ma, “Mangido ampun ma au dibaen mabarani tu do au mangkatai dohot Tuhan haru pe hum jolma sajo iba na so tola nian mandok bagi aha.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

SURAT NI SI PAULUS TU PARLAGUTAN ROM 8:34

Ise dope na tarbaen manguhumi hita? Kristus Jesus do mangondihon hita! Ia ma na dung mate, lobi sian i dope, Ia ma na dung dipangolu mangulahi sian hamatean jana di siamun ni Debata do Ia maringanan.

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

JEREMIA 33:15

Anggo di hatiha i pilionKu ma sada raja na tigor sian pomparan ni si Daud. Padalanon ni raja i ma hatigoran dohot na sintong di sude luat.

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

MASMUR 89:29

Salolot adong langit di ginjang tano martahan do habangsania, jana pomparanna sandiri manjuguhisa.

NEHEMIA 7:2

Hupasahat ma na mamarenta kota Jerusalem tu anggingku si Hanani dohot tu si Hananya komandan ni benteng, harana sumurung do ia sian halak na asing, mabiar do ia tu Tuhan boti haposan ni roha.

ESRA 2:2

Angka na mamimpin halahi, i ma si Zerubabel, si Jesua, si Nehemia, si Seraya, si Reelaya, si Mordehai, si Bilsan, si Mispar, si Bigwai, si Rehum, dohot si Baana. On ma daftar ni Israel marsasaompu, dohot bahat ni halakna sian ganop horong na mulak sian habuangan:

PAMUNGKAAN 18:32

Didok si Abraham ma, “Ulang ma da muruk Ho ale Tuhan, hum sanoli on noma dokkononku. Bia muda adong dapot hum sampulu halak sajo?” Didok Tuhan ma, “Muda adong sampulu halak na so marsala, nada pola abiskononKu kota i.”

PAMUNGKAAN 18:30

Didok si Abraham ma, “Ulang Ho muruk ale Tuhan, angkon laing mandok hata dope au mangulahi. Bia sugari adong hum tolu pulu halak sajo?” Dialusi Tuhan i ma, “Muda adong dapot Au tolu pulu halak nada patulusonKu i.”

BILANGAN 16:40

Gabe parningotan di bangso Israel, bahaso asing sian pomparan ni si Harun, sahalak pe nada tola ro tu langgatan laho manutung hamonyan di Tuhan i. Halak na mangalanggar aturan on angkon dibunu songon si Korah dohot donganna. Jadi sudena i dipatulus do i songon na dung diparentahon Tuhan tu si Eleasar marhite si Musa.

HARURUAR 3:5

Dung i didok Debata ma, “Ulang padonok. Buka solopmi, angke di tano na badia do ho na jongjong on.”

PANGARATAION 17:15

Tangkas ma parrohahon hamu anso halak na nipilimunu i gabe raja, laing na nitodo ni Tuhan muse. Angkon sian bangsomunu sandiri do i, anggo halak sileban ulang angkat hamu gabe rajamunu.

MASMUR 65:4

Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

HOSEA 1:11

PasadaonNa ma mangulahi bangso Israel dohot bangso Juda. Angkaton ni halahi ma sada pamimpin jana mur mabahat ma halahi jana sonang di tano ni halahi. Tutu do, gabe ari na godang ma Ari Ni Jisreel.