JEREMIA 30:18 - BIBEL JAMITA NA DENGGAN

¹⁸ Songon on ma hata ni Tuhan, “Satutuna, mulak ma obanonKu angka na tarbuang sian parbandaran ni si Jakob. Jana marpangulahi rohangKu mida angka ingananna; jana angkon paulion mangulahi kota i di gincat ni roncoanna hian, jana bagas godang i angkon jongjong di ingananna hian.

JEREMIA 30:18 Referans Kwoze

MASMUR 102:13

Giot jongjong do Ho jana manghaholongi Sion, madung dapot hatihana maribo roha Ho tusia.

JEREMIA 30:3

Angke dapot do muse hatihana pasuangonKu mangulahi bangsongKu Israel dohot Juda; obanonKu do halahi mangulahi mulak tu tano na dung Hulehen tu ompu ni halahi. Halahi noma nampuna tano i mangulahi. Au Tuhan, madung mandok songon i.”

JEREMIA 33:7

Sonang baenonKu Juda dohot Israel jana pasuangonKu halahi songon di mulana.

JEREMIA 49:39

Tapi di pudian ni ari pasuangonKu do mangulahi pangalaho ni halahi. Au Tuhan, madung mandok songon i.”

JEREMIA 23:3

Tapi palagut-lagutonKu ma teba-teba ni bangsongKi sian angka luat inganan habuangan ni halahi. ObanonKu ma halahi mulak tu bona bulu ni halahi jana mur mabahat ma pomparan ni halahi.

ZAKARIA 1:16

Hara ni i songon on do hata ni Tuhan, “Madung marpangulahi rohangKu tu Jerusalem; angkon paulion muse BagasKu di tonga ni kota i, ninna Tuhan Na Markuaso, jana tarikon ma hotang pangukur humaliang Jerusalem.”

JEREMIA 46:27

“Ale Israel bangsongKu, ulang humitir sanga mabiar hamu! PaluaonKu noma hamu sian luat na dao, disi ditaban hamu. Mulak noma hamu jana sonang maringanan di tanomunu. Mangolu ma hamu di bagasan sonang; nada adong be na porlu sihabiaran.

JEREMIA 49:6

Tapi di pudian ni ari pasuangonKu do pangalaho ni bangso Amon. Au Tuhan, madung mandok songon i.”

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

1 JUJUR TAON 29:19

Lehen ma tu si Salomo anakki, roha na marsitutu laho mangihutkon sude na niparentahonMu bope laho pajongjong sada bagas paribadatan na dung hupasingkop haporluanna.”

JEREMIA 29:14

Tutu do, dumpang hamu ma Au. Palagut-lagutonKu ma hamu sian tonga-tonga ni sandok bangso sian ganop luat inganan parserahanmunu dohot habuanganmunu. ObanonKu ma hamu tu tano asalmunu on jana pasuangonKu pangalahomunu. Au Tuhan, madung mandok songon i.’

JESAYA 44:28

Au do na mandokkon taringot tu si Kores: ‘Ia do siparmahanKu, sandok hagiotKu giot patulusonnia, na mandok taringot tu Jerusalem: Padiar ma ia dipajongjong, jana taringot tu Bagas Na Badia: Padiar ma dipayakkon batu ojahanna!’ ”

JEREMIA 31:38

Didok Tuhan, “Dapot do i hatihana, paulion mangulahi sude Jerusalem songon kotangKu, sian Palas-palas Hananeel na di Hasundutan lopus tu horbangan na di suhi-suhi.

JEREMIA 31:23

Didok Tuhan Na Markuaso i, Debata ni Israel, “Muda dung Huoban bangsongKu mangulahi tu tano ni halahi sandiri, tarbege muse ma di tano Juda dohot di angka kotana i dokkonon ni halak, ‘Sai dipasupasu Tuhan ma da, ho ale inganan hasintongan ho ale dolok na badia!’

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.

MASMUR 78:69

Dipajongjong Ia inganan na badia na sagincat ni langit, jana satohong ni tano, nada tarhutur salolot-lolotna.

NEHEMIA 7:4

Bidang do kota Jerusalem, tapi hum saotik do anggo halak na manginganisa, jana bagas pe nada sadia dope dibangun.

MASMUR 85:1

Jop do rohaMu ale Tuhan di tanoMu, madung dipasuang Ho parngoluon ni si Jakob.

ZAKARIA 14:10

Sandok luat mamungka sian Geba di Utara lopus tu Rimon di Selatan, gabe napa ma sudena i. Tapi anggo Jerusalem marsijongjong ma i diginjang adu i, gumincat sian tano na humaliang i; mabidang ma kota i mamungka sian Pintu Horbangan Benyamin lopus tu Pintu Horbangan Suhi-suhi, i ma inganan ni Pintu Horbangan na jolo dohot sian Menara Hananael lopus tu inganan pamoroan ni anggur nampuna ni raja i.

JEREMIA 31:40

Sude rura i, tanoman ni na mate i dohot inganan habuangan ni sirabun i, dohot sude kobun na di atas ni Batang aek Kidron lopus tu Horbangan kudo sabola Habincaran gabe badia ma i di Tuhan nada be rumpakkonon sanga roncohonon ni bagi ise kota i salolot-lolotna.”

1 JUJUR TAON 29:1

Dung i mandok hata ma Raja Daud tu sude halak na marlagut i disi, ning ia ma, “Sian sude dakdanakku, si Salomo ma na nitodo ni Debata. Tapi na bajar dope ia jana na hurang pangalaman, hape songon i ma borat ni karejo on. Boti muse nada na giot bagas godang ni jolma na giot bangunon on, tapi na giot bagas paribadatan do tu Tuhan Debata.

MASMUR 48:3

Pandok ni Debata, sonang do rap dohot Ia, di bagasan angka benteng ni kotaNia.

MASMUR 48:13

Pamanat ma tembokna, pareso ma bentengna, anso tarturihon hamu i tu angka na umposo.

MASMUR 122:7

Sai dumpang ma dame di luatmu, dohot hademahon di bagasan angka tano batomu.”

JEREMIA 29:11

Nada he Au sandiri mamboto angka sangkapKu taringot tu hamu? Nada na giot mangago hamu angka sangkap i; tapi na giot tu hasonanganmunu do i dohot mangalehen tu hamu arop ni roha na denggan di hatiha na ro.

JEREMIA 32:15

Didok Tuhan Na Markuaso i, Debata ni Israel, masa do muse di luat on na manggadis dohot manobusi bagas, tano dohot kobun anggur.”

JEHESKIEL 36:11

TambaanKu ma halak dohot pahan-pahananmu, lopus bahat sajo, umbahat sian di mulana i, jana marpinompari halahi bahat-bahat. Dos ma halahi mangolu songon di mulana i jana sonang baenonKu songon na so unjung dihilala hamu. Jadi gabe botoon ni halahi ma Au do Tuhan.

AMOS 9:14

ObanonKu ma mangulahi bangsongKi tu tano ni halahi. Bangunon ni halahi mangulahi angka kota ni halahi na marsegoan lalu buang disi. Suanan ni halahi ma anggur baen inumon ni halahi dohot angka suan-suanan baen panganon ni halahi.

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”

ZAKARIA 12:7

Parjolo-jolo lehenon ni Tuhan ma hamonangan tu tentara ni Juda, anso ulang sumurung hasangapan na nijagit ni pomparan ni si Daud dohot halak Jerusalem sian hasangapan na nijagit ni halak Juda na asing i.

MASMUR 102:14

Dibaen holong do roha ni angka naposoMu midasa, haru pe madung tinggal sego-sego sajo noma i. Ibo roha ni halahi midasa, haru pe ia madung gabe abu.

JEREMIA 32:44

Manobusi kobun ma jolma dohot perak, tekenon do surat tobusna, marsegel, jana dipagomos angka saksi. Di tano Benyamin ma tarjadi na songon i, di angka huta na menek-menek humaliang Jerusalem di angka kota ni Juda, dohot di angka kota na di luat partoran, di luat na di rereng ni dolok, dohot di tano Negeb. PasuangonKu do pangalaho ni bangso on di luat on. Au Tuhan madung mandok songon i.”