JEREMIA 3:16 - BIBEL JAMITA NA DENGGAN

¹⁶ Jadi muda dung mabahat hamu di luat on, nada taringotan ni halak be mangulahi salaho tu Poti Parjanjian. Nada pikiran sanga ingot-ingoton ni halahi be i, nada be tehe porlu i di halahi sanga pe mambaen Poti Parjanjian na asing.

JEREMIA 3:16 Referans Kwoze

JEHESKIEL 37:26

BaenonKu ma sada parjanjian dohot halahi na manjamin hasonangan ni halahi sapanjangna. PasupasuonKu, jana tambaanKu ma bilangan ni halahi. PajongjongonKu ma di tano ni halahi BagasKu na hot salolot-lolotna.

JESAYA 65:17

Didok Tuhan: “TompaonKu ma langit na imbaru dohot tano na imbaru, angka na masa na salpu dihalupahon noma i, jana nada ingoton be.

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

JEREMIA 31:8

Sian Utara Huoban halahi mangulahi; Hupalagut halahi sian angka ujung ni portibi. Halak na mapitung dohot na lumpu pe dohot do disi, songon i muse ina na baru horas dohot na giot di api. Giot marroan ma halahi sudena, songon bangso na godang tu luat on.

JEREMIA 30:19

Pujion ni halak na disi ma Au marhite ende marsurak-surak ma halahi marriang-riang be. Martamba ma bahat ni halahi hara ni pasupasungKu marsangap ma halahi hara ni pangalehenKu.

JESAYA 61:4

Sego-sego ni kota na dung honok mamolngit pajongjongon ni halahi mangulahi.

JESAYA 60:22

Salang ripe na menek jana na bile, gabe godang ma jana markuaso. Au ma da Tuhan; manigor baenonKu ma tindakan, muda dung dapot hatiha na tumbuk.”

MATEUS 1:11

si Jekhonya dohot angka kahanggina.

ZEPANYA 3:11

Anggo di hatiha i, ale bangsongKu nada pola porlu be ila rohamunu hara ni na dung mangalo tu Au. UsironKu ma sanga ise halak siginjang roha dohot na gakgak, jana nada be sai mangalo hamu tu Au di dolokKu na badia i.

AMOS 9:9

BaenonKu ma parenta jana piaranna ma bangso Israel songon pamiari ni halak di gandum di bagasan anduri. Laho pasidingkon sude na so marguna sian tonga-tonga ni halahi, hursuhonKu ma halahi di tonga-tonga ni angka bangso.

JEREMIA 31:27

Au, Tuhan mandok dapot do i hatihana gohanKu Israel dohot Juda markite-hite jolma dohot pahan-pahanan.

JEREMIA 7:4

Ulang haporsayai hamu hata gabus na mandok, ‘On ma Bagas Ni Tuhan, Bagas Ni Tuhan, Bagas Ni Tuhan.’

JEREMIA 3:17

Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

JEHESKIEL 15:5

Nada adong be i! Salang painte so ditutung, na so tarpagunahon do i. Mur ma dung ditutung jana gabe tiranggong dibaen api, tarpake dope he i mambaen parkokas?”