JEREMIA 29:2 - BIBEL JAMITA NA DENGGAN

² Hubaen surat i dung dioban tu habuangan Raja Joyakin, inangna, angka pagawe ni bagas godang, angka pamimpin ni Juda dohot Jerusalem, angka tukang na malo dohot angka parkarejo na pande.

JEREMIA 29:2 Referans Kwoze

JEREMIA 28:4

ObanonKu muse ma si Joyakin anak ni si Joyakim raja ni Juda i rap dohot sude rayat ni Juda na hona oban tu Babel. Satutuna do, tipulkononKu ma hagogoan ni Babel. Au Tuhan, madung mandok songon i.”

JEREMIA 24:1

Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

2 RAJA-RAJA 20:18

Sian angka pahompumu pe adong ma na giot obanonna jana dibaen gabe pagawe ni bagas godang laho mangoloi raja ni Babel.”

2 RAJA-RAJA 9:32

Mandorgak ma ia manatap tu jandela i jana didok ia ma, “Ise dehe na mamihak tu au?” Adong ma dua tu tolu halak pagawe ni bagas godang i manaili tu toru sian jandela i.

1 SAMUEL 13:19

Nada adong dapot tukang bosi anggo di Israel sudena, harana nada dipaloas halak Pilistin mambaen podang dohot tombak halak Israel.

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

JEREMIA 38:7

Adong do sada halak Sudan na karejo hatiha i di bagas godang ni raja i. Si Ebedmelek goarna. Tarbege ma tusia na dung dipamasuk au tu bagasan sumur i. Taran manguluhon rapot raja i di pintu Horbangan Benyamin,

JEREMIA 29:20

Jana hamu sude na Hubuang tu Babel, tangihon hamu ma na Hudok, Au Tuhan na mandok.’