JEREMIA 28:4 - BIBEL JAMITA NA DENGGAN

⁴ ObanonKu muse ma si Joyakin anak ni si Joyakim raja ni Juda i rap dohot sude rayat ni Juda na hona oban tu Babel. Satutuna do, tipulkononKu ma hagogoan ni Babel. Au Tuhan, madung mandok songon i.”

JEREMIA 28:4 Referans Kwoze

JEREMIA 22:24

Didok Tuhan ma tu Raja Joyakin, anak ni si Joyakim raja ni Juda, “Mangasahon Au Debata na mangolu, Huondolkon ma, haru pe di Au tudos tu tintin sitempel ho di tangan siamunKu, angkon buatonKu do ho

JEREMIA 28:2

songon on didok Tuhan Na Markuaso i, Debata ni Israel, “Madung Huropuk hagogoon ni raja Babel.

JEREMIA 24:1

Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

NAHUM 1:13

Saonnari ponggolkononKu ma boban na mamborati ho, jana gotapkononKu rante na manambat hamu.”

JEREMIA 30:8

Didok Tuhan Na Markuaso i do, “Muda dung dapot ari i, tipulkononKu ma auga na dibaen tu tangkuhuk ni halahi i jana rante ni halahi Hutalduskon. Nada be gabe hatoban ni halak na asing halahi.

JEREMIA 28:10

Dung i dirampas si Hananya ma auga na di tangkuhukki jana ditipulkon ia.

JEREMIA 24:5

“Angka halak na dung dioban i tu Babel Huetong do i songon batu ni ara na jeges-jeges on; jadi hara ni i, Au Tuhan, Debata ni Israel, giot denggan do baenonKu tu halahi.

JEREMIA 22:10

Hamu halak Juda, ulang ma hamu marsak hara ni parmonding ni Raja Josia. Si Joahas anakna i ma tangisi hamu angke madung hona oban ia jana nada mulak be. Nada idaonna be tano hatubuanna.

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JESAYA 9:4

Madung diropuhi Ho tinggala sian takkuhukna dohot lanja-lanja sian abarana, madung ditaluhon Ho bangso na mambaen susa bangsoMu, songon panaluhonMu di halak Midian na jolo.

PAMUNGKAAN 27:40

Sian podangmi ma ho mangolu. Tapi laing naposo ni anggimu do ho. Tapi muda mangarunta ho, malua ma ho sian kuasonia.”

JEREMIA 27:8

Tapi anggo bangso sanga harajaan na so ra tunduk tu si Nebukadnesar, uhumonKu do i marhite porang, tangkuraparon, dohot nyae lopus ujungna tunduk bangso i tusia.

HAMALIMON 26:13

Au do Tuhan Debatamu na maroban hamu ruar sian tano Mesir anso ulang diparhatoban hamu. Madung Huponggolkon kuaso na mandondoni hamu, jana Hubaen hamu gabe halak na dung malua.”

2 RAJA-RAJA 24:14

Raja Joyakin, angka dadaborunia, inangnia dohot angka pagawe ni bagas godangnia ditaban si Nebukadnesar ma i sudena jana dioban tu Babel. Pitu ribu halak angka na malo, saribu halak parkarejo na malo, masuk ma disi angka pande bosi, dohot hona oban; angka halak na malo marporang do i sudena. Sudena na nioban tu habuangan i, dohot ma disi bagian parbagas godang dohot angka halak na pistar, adong ma hira-hira sampulu ribu halak sudena. Hampir do sude halak na mangingani Jerusalem dioban tu habuangan i. Hum angka rayat na umpogos ma na tading.

JEREMIA 13:19

Hona hobuk do angka kota ni Juda na di Selatan, jana nada adong na tarbaen luncat sian panghobuk ni musu i. Madung diayak sandok halak Juda tu habuangan.”

JEREMIA 29:1

Hubaen ma surat tu angka malim, angka panurirang, angka pamimpin ni rayat, dohot tu sude halak na asing na dioban ni si Nebukadnesar sian Jerusalem tu Babel.

JEREMIA 29:2

Hubaen surat i dung dioban tu habuangan Raja Joyakin, inangna, angka pagawe ni bagas godang, angka pamimpin ni Juda dohot Jerusalem, angka tukang na malo dohot angka parkarejo na pande.