JEREMIA 27:15 - BIBEL JAMITA NA DENGGAN

¹⁵ Didok halahi, manghatai halahi mangasahon goar ni Tuhan, hape na margabus do halahi, Tuhan sandiri mandok, nada Ia marsuru halahi. Hara ni i giot sarsarkononNia noma raja i jana matehononNa rap dohot angka panurirang na margabus tu raja i.”

JEREMIA 27:15 Referans Kwoze

JEREMIA 27:10

Na paoto-otohon hamu do i lopus dioban hamu dao sian tanomunu. UsironKu ma hamu sian tanomunu jana mago ma hamu.

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

JEREMIA 29:9

GoarKu pe dipake halahi do laho mancaritohon tu hamu angka pangalaho na so tutu. Nada Au marsuru halahi. Au Tuhan madung mandok songon i.’

JEREMIA 23:21

“Na ringgas antong angka panurirang i, hape nada na Husuru halahi. Mangasahon goarKu dipalalu halahi barita, hape nada adong nian tona na Hupasahat tu halahi.

JEREMIA 23:15

Didok Tuhan Na Markuaso i ma, “Na giot lehenonKu ma tu halahi suan-suanan na paet sipanganonna dohot rasun siinumonna, angke patunda ni halahi ma umbaen na so dipasangap angka jolma na di luat on sudena Au.”

JEREMIA 20:6

Jana ho ale Pashur rap dohot isi ni bagasmu laing tangkuponna ma ho jana obanonna tu Babel. Disi ma ho mate jana ditanom; laing songon i ma sude donganmu na manangihon angka gabus na nipardokkonanmi.’ ”

JEREMIA 23:25

Sasude na nidok ni angka panurirang i, madung Huboto i. Mangasahon goarKu margabus halahi mandok na nijagit ni halahi tona sian Au markite-hite nipi.

JEREMIA 29:8

Au Tuhan Na Markuaso, Debata ni Israel, Hupaingot hamu anso ulang dipaoto-oto angka panurirang na maringanan di tonga-tongamunu i hamu, sanga ise pe tehe na mangoku bahaso na malo halahi mangalehen alatan taringot tu hatiha na giot ro. Ulang parrohahon hamu angka nipi ni halahi.

JEREMIA 14:14

Tapi dialusi Tuhan ma, “Hata gabus do na dihatahon ni angka panurirang i mangasahon goarKu; nada Au marsuru halahi, jana nada adong Huparentahon tu halahi sanga manghobari Au tu halahi. Nada sian Au angka parnidaan na dihatahon ni halahi i; angka pangalaho na so marguna do na nilumbahon ni halahi i, i ma sian tubu-tubu ni rohana sandiri.

JEREMIA 38:22

Di bagasan parnidaan i huida ma sude dadaboru na adong dope di bagas godang ni raja Juda ditogu tu ruar mandapotkon angka perwira ni raja Babel i. Di na mardalan i didokkon halahi ma, ‘Madung tarpaoto-oto raja i dibaen angka ale-alena i, jana guru dok ni halahi noma i. Saonnari dung bonom patna tu bustak mandao be halahi sudena.’ ”