JEREMIA 27:14 - BIBEL JAMITA NA DENGGAN

¹⁴ Ulang dipatangi-tangi raja i angka panurirang na mangorai raja i tunduk tu raja ni Babel, angke na paoto-otohon raja i do halahi.

JEREMIA 27:14 Referans Kwoze

JEREMIA 14:14

Tapi dialusi Tuhan ma, “Hata gabus do na dihatahon ni angka panurirang i mangasahon goarKu; nada Au marsuru halahi, jana nada adong Huparentahon tu halahi sanga manghobari Au tu halahi. Nada sian Au angka parnidaan na dihatahon ni halahi i; angka pangalaho na so marguna do na nilumbahon ni halahi i, i ma sian tubu-tubu ni rohana sandiri.

JEREMIA 23:21

“Na ringgas antong angka panurirang i, hape nada na Husuru halahi. Mangasahon goarKu dipalalu halahi barita, hape nada adong nian tona na Hupasahat tu halahi.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

PILIPPI 3:2

Jagohon hamu ma dirimunu maradopkon angka anjing i, jagohon hamu ma dirimunu maradopkon angka panyunat na so tutu.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

JEREMIA 28:15

Hupalalu do sudena i tu si Hananya, jana hudok muse dope, “Tangihon ma ale Hananya! Nada Tuhan marsuru ho, jana madung dibaen ho bangso on porsaya tu hata na so tutu.

JEREMIA 23:25

Sasude na nidok ni angka panurirang i, madung Huboto i. Mangasahon goarKu margabus halahi mandok na nijagit ni halahi tona sian Au markite-hite nipi.

JEREMIA 37:19

Di dia dehe angka panurirang ni raja i na mandok na so ro raja ni Babel manyerang raja i dohot luat on?

JEREMIA 38:22

Di bagasan parnidaan i huida ma sude dadaboru na adong dope di bagas godang ni raja Juda ditogu tu ruar mandapotkon angka perwira ni raja Babel i. Di na mardalan i didokkon halahi ma, ‘Madung tarpaoto-oto raja i dibaen angka ale-alena i, jana guru dok ni halahi noma i. Saonnari dung bonom patna tu bustak mandao be halahi sudena.’ ”

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

ZAKARIA 10:2

Mangido angka panogu-noguon do halak tu angka gana-ganaan dohot angka datu, hape anggo alus na dapot ni halahi hum gabus do dohot hata na rumar sajo. Adong ma i na patorangkon nipi, hape na palilu-liluhon hamu sajo do hatorangan ni halahi, jana apo-apo na nilehen ni halahi pe nada adong artina. Patunda ni i gabe marserak ma jolma i songon biri-biri na lilu. Targogot do halahi hara ni na so adong pamimpinna.