JEREMIA 23:39 - BIBEL JAMITA NA DENGGAN

³⁹ na giot jomputonKu halahi, jana danggurkononKu dao-dao, halahi bope kota na dung Hulehen tu halahi dohot tu ompu ni halahi.

JEREMIA 23:39 Referans Kwoze

JEREMIA 23:33

Didok Tuhan ma, “Muda adong sahalak sian bangsongKu, sanga sada panurirang sanga malim na manyapai tu ho Jeremia, ‘Aha tona ni Tuhan?’ Angkon alusanmu do, ‘BobanNia do ho; jadi hara ni i giot buangonNa noma ho.’

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

2 TESSALONIKA 1:9

Uhumon ma halahi tu hamagoan na salolot-lolotna, dao sian adopan ni Tuhan i bope sian hasangapan ni hagogoanNia.

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

HOSEA 5:14

Songon singa na manyoro, songon i ma baenonKu marsurage Israel dohot Juda. Au sandiri do na giot manyibak-nyibak halahi lalu Hutadingkon. Muda Husarat halahi kehe, sada pe nada adong tarbaen palua halahi.

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

JEHESKIEL 34:20

Hara ni i, Au Tuhan Debata mandok tu hamu, ale angka biri-biri na mokmok, na giot ro ma Au manguhumi di tonga-tonga ni biri-biri na gogo dohot biri-biri na gale.

JEHESKIEL 34:11

Didok Tuhan Debata i ma, “Au sandiri noma manjalahi angka biri-biringKi jana pature-ture halahi,

JEHESKIEL 9:6

Bunu hamu ma sude halaklahi dohot dadaboru, na matobang dohot na poso, na marsaripe dohot dakdanak. Tapi ulang hahua hamu anggo na mamake tanda di bohina. Jadi pungka hamu ma sian on, sian inganan na badiangKu.” Jadi dipungka halahi ma karejo i, dibunu halahi ma angka pamimpin ni Israel na topet marjongjongan di Bagas Na Badia i.

JEHESKIEL 6:3

Jana dohononmu ma: Hamu ale angka dolok ni Israel, tangihon hamu ma tona ni Tuhan Debata! Songon on do hata ni Tuhan Debata tu angka dolok, angka holbung, angka tor, angka rura, “Ligi ma Au parohon tu hamu porang anso mago angka inganan panyombaan ni gana-ganaanmunu.

JEHESKIEL 5:8

Jadi, Au Tuhan Debata mandok, bahaso musumu do Au. UhumanKu ma ho di adopan ni angka bangso.

ANDUNG 5:20

Malolottu do antong ditadingkon Ho hami! LupahononMu sapanjangna noma ulaning hami?

JEREMIA 52:3

Sun do muruk ni Tuhan maradopkon halak na maringanan di Jerusalem dohot halak Juda lopus nada ra be Ia mamparrohahon halahi. Dung i mangalo ma si Zedekia maradopkon si Nebukadnesar raja ni Babel.

JEREMIA 36:31

UhumanKu noma pomparanmu dohot angka donganmu na marpangkat i hara ni angka dosa na nibaenmunu. ParoonKu ma tu hamu sandok bencana na Huondamkon tu hamu, angke nada diterge ho bope halak na maringanan di Jerusalem dohot Juda angka ancaman sian Au.”

JEREMIA 35:17

Hara ni i, Au Tuhan Na Markuaso, Debata ni Israel, paroonKu ma tu hamu halak Juda dohot Jerusalem – sandok parmaraan na giot dondonkononKu tu hamu, songon na dung Hudokkon i. Hubaen pe sudena i, hara ni na so ra do hamu manangihon muda mangkuling Au tu hamu jana nada ra hamu mangalusi di na pio-pio Au tu hamu.”

JEREMIA 7:15

PaorotonKu ma hamu sian jolongKu songon pangusirKu di kahanggimunu halak Israel i.”

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

JESAYA 48:15

Au do na mandok jana na mamiohon ia, Au do na parohon ia, jana sude parkarejoannia marsuha.

PODA 13:13

Sanga ise na manulak poda mananggung resikona, tapi sanga ise na mangoloi parenta, dapotan upa do ia.

MASMUR 51:11

Ulang ambungkon au sian adopanMu, jana ulang buat tondiMu na badia i sian au.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

HAMALIMON 26:28

mardongan muruk aloonKu hamu. Dung i Huuhum hamu pitu noli dumokdok sian na parjolo i.

PAMUNGKAAN 6:17

ParoonKu ma aek na oto di tano on laho mamatehon sanga aha na mangolu, sude na di tano on angkon mate,

PAMUNGKAAN 4:16

Jadi morot ma si Kain sian jolo ni Tuhan jana maringanan ma ia di tano na margoar “Nod” di Habincaran ni Eden.

JEREMIA 7:14

Antong baenonKu ma songon na tu Silo narobi tu BagasKu na nipangasahonmunu on jana na Hulehen tu ompumunu dohot tu hamu.

JEREMIA 12:7

Madung Hutinggalkon bagas ingananKi jana Huambungkon luatKi. Madung Hupasahat haholonganKi tu tangan ni musuna.

JEREMIA 23:38

Jadi muda nada marpangoloion halahi tu parentangKu, jana sai dipake pandohan ‘boban ni Tuhan’, dokkon ma tu halahi

2 RAJA-RAJA 23:27

Didok Tuhan do, “Sanga aha na dung Hubaen tu Israel, laing baenonKu do dohot tu Juda. Angkon Hubuang halak Juda i, sian tano na dung Hulehen tu halahi. TulahonKu noma Jerusalem kota na Hutodo i dohot bagasKon pe, na dung Hudok hian inganan marsomba tu Au.”