JEREMIA 23:27 - BIBEL JAMITA NA DENGGAN

²⁷ na mambaen bangsongKu mangkalupahon Au, marhite nipi na dicaritohon sian na sada tu na asing, songon ompu ni halahi na manghalupahon goarKu hara ni Baal.

JEREMIA 23:27 Referans Kwoze

HAKIM-HAKIM 3:7

Dung i mardosa ma mangulahi halak Israel tu Tuhan, Debata ni halahi. Lupa ma halahi tuSia gabe marsomba halahi tu angka gana-ganaan Baal dohot Asera.

BAENON NI ANGKA RASUL 13:8

Hape dialo si Elimas parelmu i ma si Barnabas dohot si Saulus. Diusahohon si Elimas ma (i ma goarnia di hata Junani) anso ulang sanga porsaya gubernur i tu Jesus.

JEREMIA 29:8

Au Tuhan Na Markuaso, Debata ni Israel, Hupaingot hamu anso ulang dipaoto-oto angka panurirang na maringanan di tonga-tongamunu i hamu, sanga ise pe tehe na mangoku bahaso na malo halahi mangalehen alatan taringot tu hatiha na giot ro. Ulang parrohahon hamu angka nipi ni halahi.

2 RAJA-RAJA 21:3

Angka inganan pamelean ni gana-ganaan na dung disegohon ni amangnia si Hiskia, dipajongjong ia mangulahi. Dipajongjong ia angka langgatan anso marsomba tu Baal, jana dipambaeni ia angka patung ni Dewi Asera, songon na nibaen ni si Ahab raja ni Israel i. Laing disomba si Manase muse do angka bintang.

HAKIM-HAKIM 10:6

Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin.

JEREMIA 9:14

Jogal do roha ni halahi jana marsomba tu Baal do halahi songon na niajarkon ni angka ompu ni halahi.

PANGARATAION 8:11

“Jamot ma hamu, anso ulang jabat dihalupahon hamu Tuhan Debatamunu; sian sude parentaNia na Hulehen tu hamu sadari on, ulang adong sada pe na nipasidingmunu.

PANGARATAION 8:14

jamot ma hamu anso ulang gabe manyombong hamu jana lupa tu Tuhan Debatamunu na dung paluahon hamu sian Mesir, ingananmunu diparhatoban.

PANGARATAION 8:18

Ingot hamu ma! Tuhan Debatamunu i do na mambaen mamora hamu. Patunda ni na laing setia do Ia lalu tu sadari on tu janji na nibaenNia dohot ompumunu umbaen na dipatupa Ia na songon i.

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.