JEREMIA 23:19 - BIBEL JAMITA NA DENGGAN

¹⁹ Ligima, alogo na gogo ni Tuhan, i ma haririmas ni muruk, na mangalapat jana na mijur tu ulu ni halak parjahat.

JEREMIA 23:19 Referans Kwoze

JEREMIA 30:23

Tudos tu bade do muruk ni Tuhan, songon halingsungsung na mangamuk mangalapat ulu ni angka jolma parjahat, jana nada mombun painte so tulus sude sangkapNia. Di pudi ni ari pe anso botoon ni bangsoNia na songon i.

JEREMIA 25:32

Didok Tuhan Na Markuaso i ma, “Sian angka ujung ni tano on marngius-ngius alogo na gogo; pasada-sada hona bencana angka bangso.”

AMOS 1:14

Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak.

JESAYA 21:1

Songon on ma alatan taringot tu Babel: Songon halingsungsung na mardonging na mamolus di parhorsihan, songon i ma haroro ni parmaraan sian luat sihabiaran.

PODA 10:25

Muda mangalantap topan, mago ma parjahat i, hape anggo halak na jujur sai malua do i.

ZAKARIA 9:14

Pataridahonon ni Tuhan ma diriNa tu bangsoNa, songon hipas ni hilap ditembakkon angka anak ni siorNa. Ombuson ni Tuhan Debata ma sarune lalu mardalan maju di bagasan angin na gogo na sian Selatan.

JEREMIA 4:11

Di hatihana i dohonon ma tu bangso on dohot tu rayat ni Jerusalem: “Mangombus ma alogo na milas sian angka tor, na harsang di padang halongonan tu angka boru ni bangsongKu; nada na giot mamurpur sanga na paiaskon.”

JESAYA 40:24

Tudos tu suan-suanan simarata do halahi, na baru tubu dope uratna i. Muda jabat diparo Ia haba-haba, dihabangkon do halahi songon durame na mahiang.

PODA 1:27

Olo, incahanku ma hamu muda hancitan hamu jana mangae hara ni na hona parmaraan na ro songon halingsungsung.

MASMUR 58:9

Painte so hona dope angka hudonmu tu api madung dipangabis Ia angka na mangolu bope na dung mosok.

JEREMIA 51:1

Didok Tuhan, “TongosonKu ma alogo panyego-nyego na mangombus adop Babel dohot adop halak na maringanan disi.

JEHESKIEL 1:4

Hupadorgak ma jana huida halingsungsung na mangombus sian Utara. Ruar ma hilap na sumiksak sian sangkimpal ombun nalobi godang, jana gabe torang sajo ma langit na humaliang i dibaensa. Di bagasan hilap na mamincar-mincar i tarida ma na marsinondang songon tumbaga.

ZAKARIA 7:14

Songon halingsungsung, Huombuskon halahi tu tonga-tonga ni angka bangso na so nitanda ni halahi. Dung i mamolngit ma tano i, nada adong be na manginganisa. Songon i ma tano na jeges i gabe mamolngit dibaen halahi.”

JEREMIA 25:31

Lalu tu ujung ni tano on marsaringar soraNia; dibaen Tuhan parkaro maradopkon angka bangso. Adilan noma sandok jolma jana halak na jahat niuhum mate noma.’ ”

JEHESKIEL 13:13

Didok Tuhan Debata i ma, “Di bagasan rimasKu, paroonKu ma halingsungsung, udan potir dohot ambolas laho mangaloha tembok i.