Biblia Todo Logo
Bib sou entènèt

- Piblisite -




JEREMIA 23:14 - BIBEL JAMITA NA DENGGAN

14 Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”

Gade chapit la Kopi




JEREMIA 23:14
45 Referans Kwoze  

Songon i ma bagian ni halahi hara ni na dung mambaen angka dosa na godang di Israel; marmainan halahi jana dipake halahi goar ni Tuhan laho mancaritohon angka pangalaho na so tutu. Maralo do na songon i tu hagiot ni Tuhan, diboto Ia do sanga aha na nibaen ni halahi, jana Ia sandiri saksina laho mangalo halahi. Madung didok Tuhan songon i.”


Songon singa na marngaur dung manyoro do angka pamimpin ni halahi. Dibunu halahi do rayat i, dirampas halahi do sude arta dohot sinadongan na dapot halahi jana patunda ni halahi gabe bahat dadaboru gabe mabalu.


Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”


Au Tuhan, giot aloonKu do angka panurirang i na palaluhon angka nipina na gok gabus. Dipalilu halahi do bangsongKu marhite gabus dohot buras ni halahi. Nada Au marsuru angka panurirang i. Nada marguna halahi saotik pe anggo di bangsongKu. Au Tuhan, madung mandok songon i.”


Tapi dialusi Tuhan ma, “Hata gabus do na dihatahon ni angka panurirang i mangasahon goarKu; nada Au marsuru halahi, jana nada adong Huparentahon tu halahi sanga manghobari Au tu halahi. Nada sian Au angka parnidaan na dihatahon ni halahi i; angka pangalaho na so marguna do na nilumbahon ni halahi i, i ma sian tubu-tubu ni rohana sandiri.


Musu ni Israel na songon jahat ni Sodom dohot Gomora, suman tu bona ni anggur, paet boti halalango batuna


Dung i didok Debata ma tu si Abraham, “Adong do tuhas-tuhas na borat tu Sodom dohot Gomora, jana na lobi dokdok do tehe dosa ni halahi.


Tapi Hudok ma tu hamu, ‘Numayang do uhuman na tu tano Sodom di ari panguhuman i, ulang pado tu ho!’ ”


Nada adong idaon tanggung jawab ni angka panurirang ni halahi jana panghianat do halahi. Angka malim na manghodari na badia, jana mamparmayam-mayamkon tona.


Padiar ma sioban barita i tudos tu angka kota na nironcohon ni Tuhan so maribo ni roha. Padiar ma dibege ia angguk ni na hancitan manyogot ni ari, dohot panggora ni parporangan di tonga ari.


Na jahat do halak Sodom jana mardosa maradopkon Tuhan.


Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.


Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”


Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.


Jana payak ma bangke ni halahi di dalan godang na di kota na godang i, mangihutkon partondion digoar do i kota Sodom dohot Mesir, jana disi do Tuhan diparsilangkon halahi.


Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.


Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.


markite-hite lancap-lancap ni angka na manghobarkon gabus, angka na martihas di taroktokna.


On ma tona ni Tuhan tu si Maleaki sipalaluon tu halak Israel.


i ma angka panurirang na mandok taringot tu Jerusalem jana madung adong disia alatan taringot tu dame, hape nada adong dame.” Songon i ma pandok ni Tuhan Debata.


Tu angka halak na so ra manangihon hata na Hudok sai didokkon halahi do, ‘Malua do hamu.’ Jana tu ganop halak sijogal roha, didok halahi do, ‘Nada pola marmara ho.’ ”


Didok Tuhan ma, “Sapai ma tu ganop bangso, sanga na unjung tarjadi songon on. Madung dibaen halak Israel pangalaho na jorbut i!


Uluna, i ma bagian hatobangon dohot halak na marsangap; ihurna, i ma angka panurirang na mangalehen angka pangajaran na mangaliluhon!


Sugari tutu nian adong diboto halahi na di bagasan rohangKu, tontu palaluon ni halahi do tu bangsongKu sandok hata na dung Hudokkon i. Gabe muba ma roha ni bangsongKi sian angka dosana dohot pangalahona na jahat i.


“Buat ma sude balunan ni karotes jana suratkon ma sude na dung Hutonahon tu ho salaho tu Israel dohot Juda, bope taringot tu sude bangso. Suratkon ma sude hata na Hudokkon i mamungka sian pangkataionKu na parjolo tu ho dompak Raja Josia mamarenta lalu tu sadari on.


Songon Sodom dohot Gomora na dironcohon rap dohot angka huta na humaliangna i, laing songon i muse ma Edom, sahalak pe nada adong be maringanan disi. Au Tuhan, madung Hudok songon i.


Dipalayas hamu do Au di adopan ni bangsongKu hum anso dapotan hamu sanjomput bajaure dohot roti piga-piga ponggol. Angka halak na so marsala dibunui hamu, hape anggo halak na patut mate, dipadiar hamu mangolu. Anso tarbaen hamu na songon i, digabusi hamu ma bangsongKi jana porsaya ma halahi tu hamu.’ ”


Huida do sada hajorbuton di Israel: Hodar do dibaen bangsongKi dirina sandiri marhite na manyomba gana-ganaan.


“Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.


Di ari i, sesaonKu ma angka gana-ganaan i sian tano on, lopus nada adong be umpe sahalak marningotsa. SoadahononKu ma hagiot laho marsomba gana-ganaan. Sude jolma na mangoKu dirina panurirang, paorotonKu.


Tompu ma dipaijur Tuhan udan barerang na marapi tu Sodom dohot Gomora


jana disegohon ma angka kota i dohot sude rura, dohot sude halak na disi dohot sandok na tubu di tano i.


Madung didok Tuhan Na Markuaso i Debata ni Israel taringot tu si Ahab anak ni si Kolaya, dohot taringot tu si Zedekia anak ni si Maaseya na mamake goar ni Tuhan laho palaluhon tu hamu angka pangalaho na so tutu. Didok Tuhan do na giot pasahatonNia halahi tu toru ni kuaso ni si Nebukadnesar raja ni Babel, na giot mamunu halahi di jolo ni matamunu.


Hona uhum bangsongku, umborat sian tu halak Sodom na salpu di bagasan sangkidop mata manigor maropuk dibaen tangan ni Debata.


Tarjadi pe sudena i hara ni na mardosa jana mangalo do halak Israel tu Debata. Ise dehe na sala umbaen jabat Israel mardosa? Nada he Samaria kota sabunganna sandiri do? Ise dehe na sala umbaen jabat Jerusalem marsomba gana-ganaan? Nada he Jerusalem sambing do?


Swiv nou:

Piblisite


Piblisite