JEREMIA 23:11 - BIBEL JAMITA NA DENGGAN

¹¹ Didok Tuhan, “Panurirang dohot malim nada ra mangoloi Au. Salang di bagasan bagasKu tardapot Au do halahi mambaen na jahat.

JEREMIA 23:11 Referans Kwoze

ZEPANYA 3:4

Nada adong idaon tanggung jawab ni angka panurirang ni halahi jana panghianat do halahi. Angka malim na manghodari na badia, jana mamparmayam-mayamkon tona.

JEREMIA 6:13

Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim margabus do tu halak.

JEHESKIEL 23:39

Di angka ari disi dibunu halahi angka dakdanakKu jana dipelehon halahi tu angka gana-ganaan, ro ma sidua halak na martinadohon i tu inganan na badiangKu lalu pahodarkonsa!

JEREMIA 32:34

Mur hodar muse dope dibaen halahi bagas na dipajongjong baen inganan paribadatan tu Au, marhite na mamayakkon angka gana-ganaan na nihagigihon di inganan i.

JEHESKIEL 8:16

Dioban Ia ma au tu alaman parbagasan di Bagas Ni Tuhan. Dilambung ni dalan laho masuk tu Bilik Na Badia i, di antara ni langgatan dohot dalan i adong disi dua pulu lima halak halaklahi. Dihudukkon halahi do Bilik Na Badia i, jana marsomba ma halahi adop Habincaran manyomba mataniari na bincar i.

JEREMIA 11:15

Didok Tuhan ma, “Bangso haholongan ni rohangKu madung patupahon angka pangalaho na jat. Nada adong be hak ni halahi di BagasKu. Diambang halahi do tarolat halahi ma hamamago i marhite na mambaen angka janji dohot na manghaulkon angka binatang. Martua ma he halahi baenon ni karejo na songon i?

JEREMIA 8:10

Patunda ni i na giot pasahatonKu noma ladang ni halahi tu tuan partano na asing, dohot angka dadaboru ni halahi tu halak na asing. Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim dohot do manggabusi halak.

JEREMIA 7:30

Mambaen hajahatan do halak Juda. Dibaen halahi do angka gana-ganaan ni halahi na Huhagigihon i di bagasan BagasKu, gabe hodar dibaen halahi.

2 JUJUR TAON 36:14

Tamba ni i, dipahodar angka pamimpin ni Juda, angka malim dohot rayat do Bagas Ni Tuhan na dung dihapunjungkon tu Tuhan i sandiri, harana dohot do antong halahi sandiri marsomba gana-ganaan dohot mangihutkon parngoluon na mardosa songon angka bangso na asing na humaliang halahi.

JEHESKIEL 8:11

Adong do pitu pulu halak pamimpin ni halak Israel disi, dohot ma i si Jaasanya anak ni si Safan. Marsitiop ma sada be pardupaan na marohol be timusna.

JEHESKIEL 7:20

Anggo najolo godang do roha ni halahi hara ni simata ni halahi na jeges-jeges i, tapi dibaen dipake halahi do i laho pature angka gana-ganaan, na hagigian i, jadi dibaen Tuhan ma arta ni halahi i gabe pangalaho na jorbut.

JEREMIA 23:15

Didok Tuhan Na Markuaso i ma, “Na giot lehenonKu ma tu halahi suan-suanan na paet sipanganonna dohot rasun siinumonna, angke patunda ni halahi ma umbaen na so dipasangap angka jolma na di luat on sudena Au.”

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

2 JUJUR TAON 33:7

Dibaen ia do patung ni gana-ganaan di bagasan Bagas Ni Debata, hape nian na dung didok Debata do salaho tu Bagas i tu si Daud dohot si Salomo anakna i, “Jerusalem do na dung Hutodo sian sidua bolas luat ni marga-marga ni bangso Israel. Jana madung Huputuskon do bahaso angkon di bagasKu na di huta i do bangsongKu maribadat tu Au salolot-lolotna.

2 JUJUR TAON 33:5

Di alaman ni Bagas Ni Tuhan na dua i, dipajongjong ia do angka langgatan baen panyombaan ni angka bintang.

JEREMIA 50:6

Tudos ma bangsongKi tu biri-biri na dipadiar ni parmahanna lilu di dolok. Maot-aot ma halahi sian dolok na sada tu na sada nari nada diboto halahi be bara ni halahi.

ANDUNG 2:20

Ligi ma ale Tuhan, pareso ma angka na niparkancitanMi! Dipangan ina do anak haholongan ni rohana, malim dohot panurirang hona bunu di Bagas Ni Debata.

ESRA 10:18

On ma daftar ni angka halak na marripe sian bangso na asing: Angka malim, tarsurat dohot horongna: Horong Josua dohot kahanggina, angka dakdanak ni si Josada: Si Maaseya, si Jarib dohot si Gedalya.

JEHESKIEL 44:10

Didok Tuhan ma tu au, “UhumanKu ma angka halak Levi na rap dohot angka halak Israel na asing i na manadingkon Au dohot na marsomba gana-ganaan.

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.