JEREMIA 23:10 - BIBEL JAMITA NA DENGGAN

¹⁰ Gok luatta on dohot jolma na markarosuan. Jahat do parngoluon ni halahi jana disalagunahon halahi do jabatanna. Hara ni bura i gabe malos ma ruput na di padang-padang jana sude luat on marhamarsahan.

JEREMIA 23:10 Referans Kwoze

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

JEREMIA 9:10

Au si Jeremia, hudok ma, “Tangis ma au jana marsak hara ni padang dohot angka dolok na dung mahiang mangkarogang boti nada dibolus-bolus halak. Nada habegean be sora ni pahan-pahanan, marlojongi sude unggas dohot sude pahan-pahanan.”

JEREMIA 9:2

Sugari dapot au ma di padang halongonan inganan parbornginan di halak na mardalanan! Hutadingkon noma bangsongku, jana marlojong au tusi laho mandao sian halahi. Panghianat do halahi sudena, sada punguan ni halak na so setia,

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

JESAYA 24:6

I ma dalanna umbaen diburai tano on jana diuhumi pangisina hara ni pangalaho ni halahi. Dipurun ma halahi jana hum saotik nari noma sian halahi na malua.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

1 TIMOTEUS 1:10

tu angka halak na rorang, pandalus-dalus, panyamun, pargabus, tu angka saksi pargabus, dohot tu halak na maralo pangalahona tu ajaran na tutu.

JOEL 1:10

Tarulang angka ladang jana marhancit, hauma pe marsak boti sai susa; dibaen gandum madung sude, mahiang bona ni anggur umpe marbatu be, miak pe ma giot abis.

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

JEREMIA 7:9

Manangko do hamu, mambunu, marmainan, manyaksihon gabus, manghaulkon haul tu Baal, dohot marsomba angka debata na so nitandamunu.

HAMALIMON 5:1

Sada-sada halak madung tontu marsala jana angkon tanggungonnia sandiri hara ni karejonia, muda dipangido hatorangan na tangkas di jolo ni pangadilan, hape nada ra ia patorangkon taringot tu angka na niida dohot na nibegenia.

JESAYA 5:18

Marjaya ma halahi na manghail hasalaan dohot tali ni gabus, jana dosa songon tali ni garobak.

JEREMIA 9:12

Husapai ma, “O Tuhan, biasi dipadiar luat on harsang jana marogang songon padang halongonan gabe so adong halak na mamolussa? Adong dope he na tuk mangastui sasudena on? Tu ise dehe Hulehen hatorangan anso tarpalalusa i tu halak na asing?”

JEREMIA 12:11

Olo, madung Huida halahi mambaen tanongKu inganan na lungun di adopanKu. Madung buang sudena jana nada adong be na marningot.

HOSEA 7:4

Sude do halahi angka parkarosuan, songon dapur na torus marapi, hatiha tukang roti maradian pagarahon apina, dompak mambaen adonan dope ia.

ESRA 10:18

On ma daftar ni angka halak na marripe sian bangso na asing: Angka malim, tarsurat dohot horongna: Horong Josua dohot kahanggina, angka dakdanak ni si Josada: Si Maaseya, si Jarib dohot si Gedalya.

JEREMIA 6:13

Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim margabus do tu halak.

ZEPANYA 3:4

Nada adong idaon tanggung jawab ni angka panurirang ni halahi jana panghianat do halahi. Angka malim na manghodari na badia, jana mamparmayam-mayamkon tona.