JEREMIA 23:1 - BIBEL JAMITA NA DENGGAN

¹ Marmara ma baenon ni Debata angka pamimpin na mangago dohot na pasarsarkon bangsoNa.

JEREMIA 23:1 Referans Kwoze

JEREMIA 10:21

Hualusi ma, “Angka na oto do pamimpinta i; na so mangido panogu-noguon do halahi sian Tuhan, patunda ni i ma umbaen na so manjadi halahi jana gabe marserak hita on sun tu dia.

JEHESKIEL 13:3

Didok Tuhan Debata i ma, “Marjaya ma angka panurirang na oto i! Sian tubu-tubu ni rohana sandiri do dapotsa na niidana jana pargabus do parnidaanna i.

MATEUS 9:36

Di na niida ni Jesus halak na bahat i, ibo ma rohaNia marnida halahi, angke lebak boti gale do halahi idaon songon biri-biri na so marparmahan.

JEREMIA 22:22

Hara ni i, gabe mago boti noma angka pamimpinmunu songon na niombus ni alogo. Angkaton ma angka donganmunu i songon taban, jana kotamunu dipabile hara ni sandok hajahatanmunu i.

JEREMIA 12:10

Bahat do parkuaso na leban na dung mangagohon kobun anggurKu dohot na mandegei angka padangKu. Madung diuba halahi luatKu na jeges i gabe padang halongonan na lungun.

JEREMIA 50:6

Tudos ma bangsongKi tu biri-biri na dipadiar ni parmahanna lilu di dolok. Maot-aot ma halahi sian dolok na sada tu na sada nari nada diboto halahi be bara ni halahi.

JEREMIA 2:8

Angka malim nada adong be na marsapa sanga di dia Au, Tuhanna. Angka na pajongjong uhum pe nada mamboto sanga ise Au. Angka na markuaso mangalo do tu Au. Mangasahon goar ni Baal mandok hata angka panurirang, jana marsomba gana-ganaan na so marguna i.”

JOHANNES 10:12

Anggo parkarejo na mangomo, nada parmahan i, jana nada ia nampuna angka biri-biri i. Muda diida ia sorigala, marlojong ma ia manadingkon angka biri-biri i, lopus disoroi sorigala i angka biri-biri i jana marsitondong dalanna be.

JOHANNES 10:10

Anggo panangko, na giot manangko sajo do i muda ro, mamatehon dohot manyegohon. Tapi anggo Au muda ro, anso marhangoluan do halahi – i ma hangoluan na marlobi-lobi.”

JEREMIA 23:2

Songon on do pandok ni Tuhan, Debata ni Israel taringot tu angka pamimpin na paula-ula manjagohon bangsoNa, “Nada tutu dijagohon hamu bangsongKu, madung dipasarsar hamu halahi jana diayak-ayak hamu do halahini. UhumonKu ma hamunu saonnari hara ni pambaenanmunu na jahat i.

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

JEHESKIEL 34:31

Tutu ma, hamu do punguan ni biri-biringKu na Hubalanjoi. BangsongKu noma hamu, jana Au Debatamunu. Au Tuhan Debata madung mandok songon i.”

JEHESKIEL 34:21

Manyosak-nyosak do hamu dohot manombengi tu biri-biri na marnyae, gabe morot halahi sian punguan ni biri-biri i.

JEREMIA 2:26

Didok Tuhan, “Songon ila ni roha ni panangko di na tartangkup, songon i ma hamu sude maila, ale halak Israel, angka raja maradu angka na marpangkat, angka malim maradu angka panurirangmu!

JOHANNES 10:8

Sude halak na parjolo sian Au, panangko do i jana panyamun, jana nada ditangihon angka biri-biri i sora ni i.

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEHESKIEL 36:38

Angka kota na masego saonnari, gok ma sanolion manginganisa songon Jerusalem di hatiha na salpu na gok dohot biri-biri na dihaulkon di hatiha pesta. Jadi botoonmunu ma Au do Tuhan.”

JEHESKIEL 34:1

Didok Tuhan ma tu au,

ZAKARIA 10:3

Didok Tuhan ma, “Goyak do rohangKu tu angka parmahan jana tu angka pamimpin hulanan ni hambeng. BaenonKu ma pamaloson, harana diparate-atehon Tuhan Na Markuaso i do angka biri-biriNa, i ma horong ni si Juda, jana baenonNa songon kudo porang na gogo na dung nihobasan tu parporangan.”