JEREMIA 20:18 - BIBEL JAMITA NA DENGGAN

¹⁸ Biasi he angkon sai tubu au? Hum anso marhancit dehe jana hasusaan? Dohot anso ngolungku marsalpuan hum di bagasan hahaila?

JEREMIA 20:18 Referans Kwoze

JOB 3:20

Biasi padiaron mangolu jolma na marhancit i? Biasi lehenon sinondang tu halak na susa?

ANDUNG 3:1

Au ma da halak na dung manaon parkancitan, hara ni uhuman ni Debata.

JOB 14:1

Mamungka sorang jolma gale so margogo; pendek ngoluna sai mardamoro.

MASMUR 69:19

Diboto Ho do incak-incak, hahaila bope tilako na tu au, diboto Ho do sude musungku.

IBRANI 13:13

Hara ni i, beta ma tadapotkon Ia di ruar ni bandar i jana dohot ma hita niincahan rap dohot Ia.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

IBRANI 11:36

Adong ma deba na niincahan, na diparkanciti, dirante jana dipamasuk tu hurungan.

IBRANI 10:36

Porlu do sobar hamu, jana muda dung dipatulus hamu hagiot ni Debata, jagitonmunu ma janji i.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

JEREMIA 8:18

Mabugang ate-atengku jana maniak, nada haubatan pardangolanniba.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JESAYA 1:6

Sian ambubumu lalu tu palampak ni patmu umpe adong be pamatangmu na so hona nyae. Marlombaman sude pamatangmunu, marbosari jana mangkabugang. Nada dipaias sanga dibalut dope angka bugangmunu i. Nada muse diubati dohot miak.

JOB 14:13

Paloas au martabuni di portibi ni halak na mate i. Linggomi ma au lopus di parmombun ni murukMu. Tapi tontuhon hatihana laho marningot tu diriniba.

JOB 5:7

Nada! Tapi sian jolma sajo do, na mangalapi tu dirina hamamagona, na songon gurasa na mamuretek sian apina.

MASMUR 102:3

Salpu do ngolungku songon timus, milas songon na hona purun holi-holingku.

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

JEREMIA 15:10

Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

HABAKUK 1:3

Biasi dipadiar Ho au paida-ida hajahatan na songon i bahat? Tahan dehe Ho lakna paida-ida songon i bahat ni pangalaosion? Sanga na di dia masa hasegoan, na mangasahon gogo, parbadaan dohot parsalisian.

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

JEREMIA 15:18

Biasi dehe sai torus au marhancit? Biasi banga gasangku jana nada marnamalum? Betak na giot lebak do au baenonMu songon batang aek na mahiang di ari logo?”