JEREMIA 20:16 - BIBEL JAMITA NA DENGGAN

¹⁶ Padiar ma sioban barita i tudos tu angka kota na nironcohon ni Tuhan so maribo ni roha. Padiar ma dibege ia angguk ni na hancitan manyogot ni ari, dohot panggora ni parporangan di tonga ari.

JEREMIA 20:16 Referans Kwoze

JEREMIA 18:22

Suru ma tompu ro angka panyamun tu bagas ni halahi anso mangangguhi halahi hara ni songgotna. Madung dihuar halahi godung anso madabu au tu bagasan, jana ditaon halahi jorgong laho manangkup au.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.

LUKAS 17:29

Tapi di na kehe si Lot manadingkon Sodom, mijur ma di ari i api dohot barerang sian langit manutung halahi sude.

ZEPANYA 2:9

Songon sintongna mangolu Au ninna Tuhan Na Markuaso, Debata ni Israel: Angkon songon Sodom do Moab sogot, jana songon Gomora angka anak ni Amon, gabe hatubuan ni latong, jana panombangan ni sira, jana mamolngit salolot ni lolotna. Na tading sian bangsongKi mangarampasi halahi sogot, jana mambuat tano ni halahi.”

ZEPANYA 1:16

Tarbege ma sadari i sora ni sarune dohot surak-surak ni porang sian angka parporang na mangaroro tu angka kota na marbenteng dohot angka palas-palas na gincat.

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

JUNUS 3:4

Masuk ma si Junus tu kota i jana dung didalani ia sasadari mamungka ma ia marjamita, ning ia ma, “Opat pulu ari nari, maronco ma Ninive!”

AMOS 4:11

“Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.

AMOS 2:2

Hara ni i tongosonKu ma api tu tano Moab jana surbuonna sude angka benteng ni Keriot lopus abis. Marmatean ma halak Moab di tonga-tonga ni hagaoron ni porang, di na mangkuling sarune jana taran disurakkon tanda ni parporangan.

AMOS 1:14

Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak.

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

HOSEA 10:14

gabe lingkupon ni porang ma rayatmi, jana sarsarkononna sude bentengmi. Tudos ma i songon na masa di ari parabis ni kota Bet-Arbel di parporangan na nibaen ni Raja Salman jana hona giling angka ina-ina rap dohot dakdanakna.

JEHESKIEL 21:22

Madabu tu tangan siamunna anak ni pana na manudu Jerusalem! Na nidokna disi, angkon hobuhon ni raja i ma kota Jerusalem. Dung i disurakkon ia ma surak-surak parporangan anso dihobasi angka tentarania i angka parkokas sipakeon laho mangonjar, dipasang ma i di angka pintu ni horbangan ni Jerusalem, manimbun tano mambaen tembok pangkobuhan dohot manghuar angka bondar.

JEREMIA 26:13

Hara ni i pauba hamu ma parngoluonmunu dohot angka pangalahomunu; oloi hamu ma Tuhan Debatamunu anso disundati Ia nietNia laho mangago hamu.

JEREMIA 18:8

hape muba roha ni bangso i sian dosana, jadi gabe Husundati do nietKi.

JEREMIA 4:19

Iale hancit ni rohangkon, jana na dangol ma antong di au on. Nada be tarpompom au diringku gumadobur taroktokku, angke hubege do sarune mangkulingi, jana sora ni surak-surak porang marsaringari.

JEREMIA 23:14

Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”

ANDUNG 4:6

Hona uhum bangsongku, umborat sian tu halak Sodom na salpu di bagasan sangkidop mata manigor maropuk dibaen tangan ni Debata.

HOSEA 13:14

Giot paluaonKu dehe bangso on sian kuaso ni inganan ni jolma na mate? Jo hamatean, sarsarkon ma balamu! Padalan ma karejomu na manyegohon i! Nada be ibo rohangKu mida bangso on.

PANGARATAION 29:22

Di hatiha na giot ro, idaon ni pomparanmunu ma dohot angka bangso na asing na sian luat sihadaoan angka parmaraan dohot parkancitan na niparo ni Tuhan tu tanomunu on.