JEREMIA 2:9 - BIBEL JAMITA NA DENGGAN

⁹ Didok Tuhan, “Saonnari parkarohononKu ma bangsongKu mangulahi, jana pomparanna Huadili.

JEREMIA 2:9 Referans Kwoze

JEREMIA 2:35

laing didok hamu do na so marsala hamu, na so muruk be Au tu hamu. Tapi Au Tuhan, uhumanKu do hamu hara ni na so ra hamu mangakui na marsala hamu.

MIKA 6:2

Ale angka dolok, ale angka jongjongan ni tano, tangihon bo pangaduan ni Tuhan! Adong parkaroNia dohot Israel bangsoNa i jana giot tuntutonNia halahi.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

HOSEA 2:2

Didok Tuhan ma, “Paboa ma tu inangmu, paboa ma, angke nada dadaborungKu be ia, jana nada halaklahinia be Au; padiar ma dipadao parhamainanna sian bohina, dohot parkarosuan sian adopna.

JEREMIA 2:29

Aha ma he salangKu umbaen na mungut-ungut hamu jana mangalo tu Au?

JESAYA 43:26

Beta hita tu paruhuman; aduhon ma parkaromu, jana buktihon ma antong habonaranmu.

JESAYA 3:13

Madung rade Tuhan laho mangaduhon jana mangadili angka bangso.

HAMALIMON 20:5

Au sandiri ma mangalo halakna i dohot sude na sakeluarga i bope sude halak na rap dohot ia maninggalkon Au gabe kehe manyomba Debata Molok. Nada Huetong be halak na songon i gabe sada sian halakKu hian.

MASMUR 50:4

Dipiohon Ia langit dohot tano, laho manyaksihon Ia manguhumi bangsoNia.

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

HOSEA 12:3

Adong do parkaro ni Tuhan dohot bangso Juda; laing uhumonNia muse do dohot Jakob hara ni pangalaho ni bangso i. BaloskononNia ma parbuatan ni halahi i.