JEREMIA 2:24 - BIBEL JAMITA NA DENGGAN

²⁴ na kehe jalang tu parhorsihan hara ni na giot marsonang-sonang. Muda ro napsuna ise he na bisa mangambatisa? Nada pola loja jantan manjalahi i; manigor dapot do i muda dumpang hatiha marjantan.

JEREMIA 2:24 Referans Kwoze

JEREMIA 14:6

Di puncu ni dolok jongjong sajo halode riar pede-pede matana i hara ni ruput na so adong; humosa-hosa songon sorigala.

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

JEREMIA 2:27

Pailaon do hamu, angke didok hamu do amangmunu samponggol hayu jana marpio inang hamu tu sada batu, lalu ditadingkon hamu Au. Hape muda ro hasusaan, dipangido hamu ma anso ro Au giot paluahon hamu.

JOB 11:12

Muda bisa halode manubuhon jolma, baru pe bisa halak na bodo gabe marbisuk.

HOSEA 8:9

Songon halode riar na sai mangalo, songon i ma halak Israel na sai mangihutkon giot-giotna sandiri. Dijalahi halak Efraim do bantuan sian Asur, jana digarari halahi pardonganon sian angka bangso sileban.

JOB 39:2

Diboto ho dehe sanga sadia honok i marlambe? Taretong ho dehe hatihana anso tubu anakna?

JEHESKIEL 16:33

Sai manjagit garar do anggo siboru jalang, tapi anggo ho balik ni i do, ho sandiri do na mangaleheni silua tu angka haholongan ni rohami, dielek-elek ho dope tehe halahi anso marroan sanga na sian dia anso rap modom dohot ho.