JEREMIA 19:13 - BIBEL JAMITA NA DENGGAN

¹³ Sude bagas na adong di Jerusalem dohot sude bagas ni angka raja ni Juda gabe hodar ma i songon Tofet; angke madung ditutung halak di ginjang ni ganop bagas i dupa tu angka debata langit, jana dipelehon anggur tu angka debata na asing.”

JEREMIA 19:13 Referans Kwoze

JEREMIA 32:29

jana surbuonna lopus abis. Mosok muse ma angka bagas na gabe boncir ni hamumurukKu, harana di ginjang ni tarupna i ma ditutungi halak dupa tu Baal dohot manduruskon anggur baen pelean tu angka debata.

2 RAJA-RAJA 23:12

Angka langgatan na nipajongjong ni angka raja ni Juda di tarup ni bilik ni Raja Ahas, disego-sego. Songon i angka langgatan na nipajongjong ni Raja Manase di alaman ni Bagas Ni Debata na dua i, disego-sego do i jana diambungkon tu Rura Kidron.

ZEPANYA 1:5

Ias haisonKu sude sanga ise na manaek tu tarup laho manyomba mataniari, bulan dohot angka bintang. AbiskononKu muse dope halahi na manyomba Au jana na marsumpa mandok setia tu Au, hape marsumpa muse halahi mangasahon goar ni Debata Milkom.

JEREMIA 7:18

Dipalagut angka dakdanak do soban, halaklahi na magodang pagarahon api jana dadaboru mancampur adonan laho pature kue di debata boru-boru na nigoaran ni halahi Ratu Banua Ginjang. Jana na pahancit rohangKu dihaulkon halahi muse ma anggur tu angka debata.

PANGARATAION 4:19

Ulang jabat mardosa hamu hara ni na marsomba jana mangoloi tu sanga aha na niidamunu di langit, i ma mataniari, bulan dohot angka bintang. Dipadiar Tuhan Debatamunu do anggo angka bangso na asing manyomba angka i.

JEREMIA 44:18

Tapi disi mantak hami manghaulkon haul tu Namora di Langit, jana nada be hami duruskon anggur songon pelean tusia, gabe marpogos ma hami, marmatean ma angka halaknami di porang sanga hara ni haleon potir.”

MASMUR 79:1

Bangso na so mananda Ho, ale Debata, madung mambuat tano teananMu. Dipahodar halahi BagasMu, gabe maronco-ronco dibaen Jerusalem.

MASMUR 74:7

Disurbu halahi do inganan habadiaanMu lopus gabe tiranggong, pahodarkon inganan parsombaan maradopkon Ho.

2 RAJA-RAJA 23:10

Tofet, i ma inganan pamelean ni debata na di Rura Hinom, dipahodar do. Jadi dung songon i nada adong be tarbaen halak laho mamelehon dakdanakna songon haul situtungon di Debata Molok.

BAENON NI ANGKA RASUL 7:42

Dung i ditadingkon Debata ma halahi jana dipadiar Debata ma halahi manyombai angka bintang na di langit i. Hombar do i tu na tarsurat di buku ni angka panurirang. Songon na tarsurat, ‘Ale hamu halak Israel! Jungada dehe dilehen hamu di Au haul na nitutung sanga haul na nisambol salolot na opat pulu taon di halongonan?

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEREMIA 52:13

Disurbu si Nebusaradan ma Bagas Ni Debata, bagas godang ni raja i dohot sude bagas ni halak na godang-godang di Jerusalem.

2 RAJA-RAJA 23:14

Angka tugu ni debata dohot patung ni debata boru-boru Asera, dirunggangkon jana angka tano hajongjongan ni angka tugu dohot patung i, ditimbun ma tusi angka holi-holi ni jolma.

BAENON NI ANGKA RASUL 10:9

Ancogotna i, di na mardalan halahi marayak lalu tu Jope, manaek ma si Petrus tu tarup ni bagas giot martangiang, hira-hira pukul dua bolas tonga ari.

2 RAJA-RAJA 17:16

Dilaosi halahi do sude Tona Ni Tuhan, Debata ni halahi jana dibaen halahi do dua lombu logam sisombaon ni halahi. Dibaen halahi ma gana-ganaan ni Debata Asera, disomba halahi angka binatang jana marsomba halahi tu Debata Baal.

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

JEREMIA 19:12

Giot baenonKu kota on dohot halak na manginganisa songon Tofet.

JESAYA 22:1

On ma alatan taringot tu Rura Halumbaan: O hamu na maringanan di Jerusalem, biasi manaek hamu sude tu tarup ni bagas?