JEREMIA 18:6 - BIBEL JAMITA NA DENGGAN

⁶ “O hamu bangsongKu, na so tarbaen Au ma he lakna tu hamu songon na nibaen ni sitopa hudon i tu tano liatnia i? Songon tano liat di tangan ni sitopa hudon i, songon i do hamu di tanganKu.

JEREMIA 18:6 Referans Kwoze

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

JESAYA 45:9

Marjaya ma halak na mangalo tu na manompa ia; songon topik-topik ni hudon sambing do ia! Bisa dehe dohonon ni hudon tano i tu na manopana, “Aha do na nibaenmu?” Sanga humolos na so malo na manopa ia?

JEREMIA 18:4

Muda hurang denggan hudon na dikarejohonnia i, gabe dikarejohon ia ma i mangulahi gabe hudon na asing, hombar tu giot ni rohania.

MATEUS 20:15

Na so tola do lakna hubaen roha-rohangku tu sinadonganku? Sanga na pis do matamu muda burju au tu halak na asing?’ ”

DANIEL 4:23

Diida raja i muse do sada surusuruan mijur sian banua ginjang na mandok, ‘Taba ma hayu on jana pamate, tapi padiar ma tungkona i tinggal di tano i. Tambat ma i dohot rante bosi dohot tumbaga lalu tadingkon ma di padang-padang dihuliangi angka ruput na rata. Padiar ma hona ombun ia jana mangolu rap dohot angka binatang pitu taon honokna.’

SURAT NI SI PAULUS TU PARLAGUTAN ROM 11:34

“Ise ma he mangastui pikiran ni Tuhan? Ise ma he na tarbaen mangalehen sipaingot tuSia?

JEREMIA 18:5

Dung i disuru Tuhan ma au mandok tu halak Israel,