JEREMIA 18:17 - BIBEL JAMITA NA DENGGAN

¹⁷ Songon abu na niombuskon ni alogo Habincaran, songon i ma giot paserahonKu bangsongKi di jolo ni musuna, muda ro parmaraan, giot hudukkononKu noma halahi jana nada urupanKu halahi. Sanga na bia pe, nada urupanKu be halahi!”

JEREMIA 18:17 Referans Kwoze

JEREMIA 13:24

SarsarkononKu ma hamu songon lapung na niombus ni alogo sian padang halongonan.

JEREMIA 2:27

Pailaon do hamu, angke didok hamu do amangmunu samponggol hayu jana marpio inang hamu tu sada batu, lalu ditadingkon hamu Au. Hape muda ro hasusaan, dipangido hamu ma anso ro Au giot paluahon hamu.

HOSEA 13:15

Haru pe sonang Israel songon duhut na napu, laing suruonKu ma alogo Habincaran na milas i sian padang parhorsihan. Mahiang ma baenon ni alogo i sude mual ni aek dohot angka sumur bage, gabe mago ma sudena na mararga.

MASMUR 48:7

Songon kapal na dumaol-daol diombus alogo.

JOB 27:21

Dioban alogo Habincaran ia jana disapu ias ia sian bagasna.

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 32:33

Madung ditadingkon halahi Au jana haru pe Huajar halahi marpupu, nada ditangihon halahi i jana nada ra mangastui.

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

PANGARATAION 31:17

Muda tarjadi songon i, hona muruk ma halahi baenonKu. TadingkononKu ma halahi, tabunihononKu ma bohingKu maradopkon halahi jana pangabison halahi. Marroan ma bahat parmaraan na ampe tu halahi, jana botoon ni halahi ma umbaen na masa pe songon i tu halahi, angke Au do antong Debata ni halahi, hape nada Hudongani be halahi.

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

PODA 24:16

Harana, haru pe tinggang halak na burju i marpupu, sai na mulak jongjong do i. Tapi suhar-suharna, dilantuk hamamago do halak na jahat.

JEHESKIEL 7:22

Nada anto-antoanKu muda pe disego-sego jana dipahodar angka panyamun BagasKi.

JEHESKIEL 27:26

Dioban angka pandayung ma i tu laut na so marbatas. Ditondong alogo Habincaran na manggosa-gosa.